Corpus Van Reenen-Mulder (CRM14): Oorkonde F133p37701

Wi Johan sconevrient ende henric ter brugghen scepen in der stad va_ deue_ter doen te + uerstaen allen luden ende tughen claerlic . dat voer ons in scepe_doem sin ghecome_ Vrederic ty_merma_ en_ lubbe sijn witlike wijf en_ becanden openbare . dat sie eenparlic mit hore_ vryen en_ goeden willen witliken en_ wael hebben vercoft in ene_ rechten en_ steden erfcope . Joha_ne vos Verremoelen Vierde + half punt gheeldes cleynre pe_ninghe iaerliker renthe_ paymentes daer me_ in der tijt ghemeynlic in der stad va_ deue_ter tyns en_ hueshure mede betalen mach en_ ene quaerte wijns iaerliker renthen / die sie hadde_ vyte_ erue en_ hues . dat tobehoert Gheride ter Voerst dat gheleghe_ is in der stad van deuent_ vp de_ hornic va_ der noerdenb_ghestrate_ an de_ erue en_ hues dat de_ vors_ vrederike en_ lubbe_ sine_ wiue tobehoert iaerlix te heffe_ne en_ vp + te + bore_ne . die ene helfte va_ de_ vors_ vierden + halue_ punden to Paessche_ en_ die ander helfte daer af to zantghange_ alse me_ ghemeynlic in der stad va_ deue_ter tyns en_ hueshure plecht vp + te + bore_ne . en_ iaerlix die vors_ quaerte wijns vp + te + bore_ne vp Kerstesauont . alse voer ene su_me gheeldes die hem bi de_ vors_ Joha_ne vos witlike_ en_ wael is betaelt behoeldelic in de_ vorscr_ dinghen anders elkermalcke sijns rechtes en_ al arghelist hier vytghesproken in orconde des so hebben wy scepe_ vors_ onse zeghele an dess_ breef ghehange_ Ghegheue_ int iaer ons heren dusent drie hondert zeuen en_ tzeue_tich des vrydaghes na sente po_tianus dach