Corpus Van Reenen-Mulder (CRM14): Oorkonde F133p37702

Wy . Johan sconevrient en_ . henric ter brugghen . scepen in der stad va_ deuenter / doen te + uerstaen allen luden en_ tughen claerlic / dat voer ons in scependoem is ghecome_ Gherijt ter voerst en_ becande ope_bare / dat hi mit sine_ goeden willen heft ghehuert tot eyne_ erftynse / va_ vrederike ty_merma_ en_ lubbe_ sinen wiue . dat Erue dat die vors_ gherijt bety_mert heft dat gheleghe_ is in der stad va_ deuent_ vp de_ hornic va_ der noerdenb_ghestrate_ an de_ erue en_ huyse dat de_ vors_ vrederike en_ lubbe_ sine_ wiue tobehoert iaerlix vor vierde + half punt gheeldes cleynre pe_ninghe iaerliker renthe_ payme_tes daer me_ in der tijt ghemeynlic in der stad va_ deuenter tyns en_ hueshure mede betalen mach / en_ iaerlix vor ene quaerte wijns te heffe_ne en_ vp + te + bore_ne iaerlix vyte_ vorscr_ erue en_ hues dat daer vppe sty˚et / die ene helfte va_ den vors_ vierden + halue_ pu_den vp Paesschen en_ die ander helfte daer af vp zantghangen alse me_ ghemeynlike_ in der stad va_ deuenter tyns en_ hueshure plecht vp tebore_ne en_ tot ontfanc . en_ iaerlix die vors_ quaerte wijns tot ontfanc vp kerstes auont / behoeldelic in de_ vors_ dinghe_ anders elkermalcke sijns rechtes en_ al arghelist hier vytghesproken in orconde des so hebben wy scepe_ vorscr_ onse zeghele an dess_ breef ghehangen Ghegheue_ int iaer ons h_en dusent drie hondert zeue_ en_ tzeuentich des do_redaghes na sente pontianus dach . .