Corpus Van Reenen-Mulder (CRM14): Oorkonde F133p38101

Ic Willem dowuelt meyer to Colmenschaten Richter in den kerspele onser vrouwen ende Sunte Nicolaus buten der stat van deuenter doe te + uerstaen Alle_ luden ende tughe claerlijc dat voer my is ghecomen ende voer gherichtes~lude hier nae bescreuen Int gherichte en_ in eyn gheheghede_ heymaele heer Gheret die grote ende vertech aldaer alze oerdel ende recht wisede ende droech aldar voert vp alze oerdel ende recht wisede . Gherede van Ockenbroecke en_ sinen erfghename_ dat Erve ende gued dat geheyte_ is daer~buten . mit egghe mit eende mit water mit weyden mit torve mit twighe . ende mit alre slachter n˚et ende mit alle sine_ to~behoerne alze dat gheleghen is in den kerspel ons_ vrouwe_ va_ deuen_ voers_ ende in der buerschap van Toyne ende bekande aldaer mede dat hy hem des voers_ erves en_ guedes daer~buten wil waren alze hy schuldich is te done voer alle die~ghene die des to rechte wille_ comen al arghelist hier vyt~ghesprake_ hier hebbe_ aver en_ an ghewesen Johan hauer euert bertoldes zone henric cuercamp henric oetbalding en_ anders vele guder lude . Jn oerkonde des heb ic Willem Richter voers_ myn seghel an des_ brief ghehanghe_ en_ o_me meerre vestnisse willen . heb ic heer Gheret die grote voers_ voer my en_ myne erfghen_ myn seghel mede an des_ brief ghehang_ Gheg_ Int iaer ons h_en dusend drie + hundert eyn en_ tachtentich des dunredaghes nae Sinte katherinen