Corpus Van Reenen-Mulder (CRM14): Oorkonde F133p38102

Wy Johan van rysen ende Willam to_ vene Scepe_ in der stad va_ deuenter tughen openbare mit dessen breue dat voer ons in scependoem quame_ Roelf michels soen en_ henric va_ de_ lare ende louede_ . here_ Joha_ne va_ elte_ enen preest_ / dat . . lu_me en_ trude die wileneer echte docht_e were_ willams crane_ alse sie tot hore_ mu_dighe_ iaren sin ghecome_ dien vors_ h_en ioha_ne ofte de_~ghene_ daer hi dat an ghezat hadde / vertichnisse vplatinghe ende vestinghe doen soelen vp hoers selues cost alse erfcopes recht en_ lantrecht is alse van de_ Seue_ moerghe_ landes die her ioha_ vors_ ghecoft heft va_ katherine_ dier vors_ lu_men en_ trude_ moeder en_ aernde crane_ der vors_ katherine_ sone die gheleghe_ sin in de_ lande va_ zallant in mastebroec en_ in de_ kerspel va_ Swolle . in al dier manire_ alse die opene breef inne begrepe_ heft die her ioha_ vors_ daer vp heeft die bezeghelt is mit wolters zeghel machorijs soen schulte van zallant / sonder enich arghelist Jn orco_de des so hebbe_ wy onse zeghele an dess_ breef ghehange_ Ghegheue_ int iaer ons h_en dusent drie hondert een en_ tachte_tich des dinxdaghes na sente nycolaus dach . .