Corpus Van Reenen-Mulder (CRM14): Oorkonde F133p38401

Wy Johan pamont ende Johan va_ leyden scepen in der stad va_ deuenter tughen ope_bare dat vor ons in scependoem is ghecome_ her Johan becker anders ghehiete_ va_ der heyne een preester en_ dede aldaer ene zatinghe an sine_ Erue en_ huys voer en_ achter daer nv inne woene_ wolter van holthuysen en_ fenne sijn wijf dat gheleghen is in der stad van deue_ter in der Engestrate_ tussche_ de_ erue en_ de_ huys dat tobehoert h_en ghiselb_te va_ de_ ryne canonic in der kercke_ va_ deue_ter an die ene zijt . en_ tussche_ der steghe_ daer bi gheleghe_ is dat erue en_ hues dat tobehoert lamb_te die lewe an die ander zijt / an welike_ erue en_ huys vorscr_ dat de_ vors_ h_en joha_ne tobehoert . dat die wolt_ vors_ fenne sijn wijf een bezit en_ bruecwere hebben alse langhe alse hoerre enich leuet / en_ die vors_ her Joha_ wil dat sine erfghenome_ voer noch na an dien vors_ erue en_ hues dat hem tobehoert niet hebbe_ en soelen in enigherhande wijs / maer weer dat zake dat die vors_ heer Johan eer afliuich worde da_ die vors_ wolter en_ fenne sijn wijf so wil die zelue her Joha_ en_ heft ghesat dat da_ na dode des vors_ wolters en_ fenne_ sijns wiues sine testame_tore die vors_ erue en_ huys vercope_ soele_ o_me dat meeste gheelt dattet da_ gheelde_ mach en_ alsolic gheelt alse da_ daer af coempt gheue_ en_ kere_ soelen in die eere godes also alse hi dat in sinen testame_te ghegheue_ en_ bescreue_ hadde late_ / ofte anders ghewyst hadde / alse sine_ testame_tore_ alrenuttest duchte wesen in die ere godes daer hi hore co_sciensie mede meynt te + belade_ mer dat sie dat vors_ erue en_ hues an ghene ghiestlike hant vercope_ en soelen al arghelist hier vytghesproke_ Jn orconde des so hebbe_ wy scepe_ vors_ onse zeghele an dess_ breef ghehange_ Ghegheue_ int ons h_en dusent drie hondert vier en_ tachtentich des So_nendagh__ na dertyende missen dach