Corpus Van Reenen-Mulder (CRM14): Oorkonde F133p38402

Wy Egbert berwolding ende Roelf ter brugghen Scepen in der stad va_ deuenter tughe_ openbare dat vor ons in scependoem sin ghecome_ / wessel va_ deelden en_ Mette / sijn wittelike wijf ende becanden openbare vor hem ende vor hore erfghenome_ / dat sie eenpaerlic mit hore_ vryen en_ goede_ willen erflike_ en_ ewelike_ slicht va_ der hant hebbe_ ghegheue_ in des hilighe_ ghiestes hues binne_ der stad va_ deuenter gheleghe_ / alse vor ene ewelike beddestede tot der arme_ lude_ behoef / in de_ vorseyde_ hues alse ghewoentlic is / twe punt gheeldes cleynre pe_ni_ge payments daer me_ in der tijt ghemeynlic in der stad va_ deue_ter tyns ende hueshure mede betalen mach iaerlix de_ p_uisoren in der tijt des vors_ huyses te gheue_ en_ te + betale_ vyt hore_ gheredesten gude en_ vyt hoerre zekerster erfnisse_ alse sie hebbe_ en_ gheleghe_ is in der stad va_ deuenter die ene helfte daer af to Paessche_ en_ die and_ helfte daer af to zantghange_ . alse me_ ghemeynlic in der stad va_ deuenter tyns en hueshure plecht te gheue_ en_ te betalen . mit vorwarde_ dat sie tot alle_ tormine_ vorscr_ ofte hore erfghenome_ ghebreke hoers die vors_ . twe pu_t gheeldes iaerliker renthen loezen en_ quiten moghen mit alse vele gheeldes / alse daer men ghemeynlic in der stad va_ deuenter ander ghelike gude twe pu_t gheeldes iaerliker re_then mede cope_ mach . hier af so zint vorwarden dat die vors_ wessel vor hem en_ vor sine erfghenome_ anghenome_ heft die twe deel va_ de_ vors_ tween pu_t gheeldes iaerlik_ re_the_ ofte va_ alse veele gheeldes alse daer me_ die mede cope_ mach alse vorscr_ is en_ dat dorde deel daer af dat blijft staende in der zeluer maniren vp die vors_ . . Mette wessels wijf en_ hore rechte erfghenome_ ghebreke hoers / al arghelist hier vyt~ghesproke_ Jn orconde des so hebbe_ wy scepen vorscr_ onse zeghele an dess_ breef ghehangen Ghegheue_ int iaer ons h_en dusent drie hondert vier en_ tachtentich des zat_sdaghes na ons_ vrouwe_ dach a_nu_ciacio