Corpus Van Reenen-Mulder (CRM14): Oorkonde F133p38601

Wy . peter van lyende_ ende Gherijt van rysen . Scepe_ in der stad van deuenter / tughen openbare dat voer ons in scependoem quame_ Gosen spaen en_ Euesse sijn witlike wijf en_ becande_ dat sie eenparlic mit hore_ goede_ willen erflike_ en_ evelike_ hebbe_ ghehuert en_ ontfanghe_ tot ene_ erftynse va_ Roelue bolte_ en_ Euessen sijnre witliker zuster / hoer Erue ende hues voer en_ achter / dat gheleghe_ is in der stad va_ deuent_ vp de_ hornic va_ der nyestrate vor der noerdenb_ghe~poerten streckende mit de_ achterste_ eende in die vors_ nyestrate an dat erue en_ hues dat tobehoert Styne_ rotghers / en_ daer ter zijt ter noerdenberghe~strate_ wart bi an gheleghe_ is dat erue dat nv tobehoert werner ten brincke / en_ daer die vors_ nyestrate bilanx strecket an die ander zijt iaerlix vor / twe en_ twintich p˚nt gheeldes cleynre pe_ni_ghe payments daer me_ in der tijt ghemeynlic in der stad va_ deue_t__ tyns en_ hueshure mede betalen mach / en_ iaerlix die te + gheue_ en_ te + betalen die ene helfte daer af to Paessche_ en_ die ander helfte daer af to zantghange_ alse me_ ghemeynlic in der stad va_ deuenter tyns en_ hueshure plecht te + gheue_ en_ te + betalen behoeldelic in dess_ vors_ dinghe_ anders elkermalcke sijns rechts en_ al arghelist hier vyt~ghesproken Jn orconde des so hebbe_ wy scepe_ vorscr_ onse zeghele an dessen breef ghehange_ Ghegheue_ int iaer ons h_en dusent drie hondert zesse en_ tachtentich vp sente lucien auo_t