Corpus Van Reenen-Mulder (CRM14): Oorkonde F133p38701

Wy Egbert berwolding ende Aernt pape in der tijt Prouisoren va_ des hilighe_ ghiestes hues in der stad van deuenter gheleghe_ / doen te + uerstaen allen de_~ghenen die dessen breef zoelen sien of hore_ lesen en_ lien ope_bare mit dessen tieghenwoerdighe_ breue / dat wy bi ghehiete en_ todone dier ghemeynre scepe_ en_ rades der stad van deuenter voerscr_ hebbe_ ghemaket en_ make_ mit dessen selue_ breue h_en . . Joha_ne va_ elten ene_ preester vicarijs in der kerke_ va_ deuenter / tot sijnre rechter lijftucht / alsolic lant als die vors_ . her iohan voertijts ghegheuen heft in des hilighe_ ghiestes hues voerscr_ en_ daer wy weder o_me in dat zelue hilighe_ ghiestes huys / ene p_ue_de ghegheue_ hebben sijnre nichte_ alse aleyden wileneer h_en alberts dochter duefler / welic vorseyde lant dat sin . zeue_ moerghen landes twe h˚nt landes en_ viertyen rode_ landes mit egghe_ mit eende_ mit alre slachter n˚t en_ mit al hore_ tobehore_ also als die gheleghe_ sin in de_ lande va_ zallant in de_ kerspele tot Swolle in mastebroec in wolters slaghe va_ voerst daer henrix erfghenome_ byerman sin . an ghelandet vp die ene zijt / en_ daer an ghelandet is katherine wileneer willam kranen wijf mit hore_ kind_en an die ander zijt en_ die strecke_ mit de_ enen eende an Berents lant va_ ijrte_ / en_ die mit de_ andere_ eende strecke_ an Seyne_ lant wolberts sone / te hebbe_ne en_ te bezitte_ne rostlike_ en_ ghebrueclike_ bi de_ vors_ h_en Joha_ne va_ elten alse langhe alse hi leuet En_ alse die vors_ her ioha_ va_ elte_ is afliuich gheworde_ so zal die vorseyde aleyt sijn nichte die vors_ Seue_ moerghe_ twe hunt en_ viertyen rode_ landes alinghe hebbe_ en_ bezitte_ rostlike_ en_ ghebrueclike_ tot hoerre rechter lijftucht alse langhe alse sie leuet en_ niet langher voertmeer so zint wy mit de_ vorseyde_ h_en Joha_ne va_ elte_ also ouerdraghe_ dat die vorseyde aleyt sijn nichte na der tijt dat sie in dat vors_ huys compt en_ ghiet zitte_ vp hore vorseyde proue_de gheen ghemeyne werc daer doen en darf tot des vors_ huyses behoef sie en wilt doen . want sie hoers liues alse cranclic en_ onmechtich is dat sie daer niet nutte to en is . dat wy also an hoer hebbe_ vernome_ . al arghelist ende quaetheyt hier vytghesproke_ Jn orconde en_ vestinghe dess_ voerscr_ ding so hebbe_ wy Egbert en_ aernt prouisore_ vorscr_ onses zelues zeghele voer an dess_ breef ghehangen En_ o_me ene meerre orco_de dier vorscr_ ding so hebbe_ wy des vors_ hilighe_ ghiestes huyses zeghel mede an dess_ breef doen hange_ Ghegheue_ int iaer ons here_ dusent drie hondert zeuen en_ tachtentich des do_redaghes na nye~Jaers~dach