Corpus Van Reenen-Mulder (CRM14): Oorkonde F133p38702

Wy Aernt pape ende Willam to_ vene . Scepen in der stad va_ deuenter tughe_ ope_bare dat voer ons in scepe_doem quame_ Joha_ pamont en_ aleyt sijn echte wijf en_ beca_de_ / dat sie moetwillens hebben vercoft in ene_ rechte_ stede_ erfcope . Joha_ne batme_ . vier pu_t gheeldes cleynre pe_ni_ghe iaerliker renthe_ payments daer me_ in der tijt gemeynlic in der stad van deue_ter tyns en_ hueshure mede betale_ mach alse vyt hore_ voerste_ erue en_ huys dat gheleghe_ is in der stad va_ deue_ter vp den hornic van der steghelen die strecket va_ der groter ouerstrate_ in die cleyne ouerstrate . en_ mit der ander zijt an den erue en_ hues dat tobehoert clawes vroma_ . iaerlix daer uyt te heffen en_ te + boren die ene helfte daer af to paessche_ en_ die ander helfte daer af to zantghange_ alse me_ ghemeynlic in der stad va_ deue_ter tyns ende hueshure plecht te heffen en_ te + bore_ alse voer ene su_me gheeldes die hem witlike_ en_ wael is betaelt behoeldelic in de_ vors_ dinghe_ anders elker~malke sijns rechtes en_ al arghelist hier vytghesproke_ Jn orco_de des so hebben wy scepe_ voerscr_ onse zeghele an dessen breef ghehange_ Ghegheue_ int iaer ons h_en dusent drie hondert zeue_ en_ tachtentich vp ons_ vrouwe_ auont . . Concepcio