Corpus Van Reenen-Mulder (CRM14): Oorkonde F133p38801

Wy . Peter va_ lyende_ en_ Gherijt va_ rysen Scepe_ in der stad van deuenter tughe_ ope_bare dat vor ons in scependoem is ghecomen Johan hauer en_ dede aldaer moetwillens ene ghiftinghe en_ bezatinghe va_ sine_ gude dat hi achterlat na sijnre doet en_ ghaf ijrst yde_ sine_ witlike_ wiue oft hi eer afliuich wort dan sie sijn deel va_ den Erue en_ hues daer sie nv teghader inne woene_ dat gheleghe_ is in der stad va_ deuent_ in der broderstrate . tussche_ erue en_ hues henrix olyslagher an die ene zijt en_ tussche_ erue ende hues henrix va_ der latmer an die ander zijt mit den voersten eende en_ dat mit de_ achtersten eende strecket an dat erue en_ huys dat tobehoert foysiken der baghine_ / en_ daer to sijn deel an al de_ cleynode ryesschappe en_ inghedoomte / en_ an al + anders alsulke_ gude dinghe en_ hauen rurende en_ onrurende an enigherhande zaken dattet gheleghen is / en_ daer to sijn andeel va_ zeue_ punt gheeldes cleynre pen_i_ghe iaerliker renthen die sie hebben vyte_ erue en_ hues dat nv tobehoert ioha_ne deue_ter dat gheleghe_ is in der stad va_ deuent_ vp de_ berghe an erue en_ hues iohan lepping alse na dode des vors_ iohans rostelike_ en_ ghebruecklike_ bi der vors_ yde_ te hebbe_ne en_ te bezittenne . en_ die nootturft hoers liues daer af te + neme_ne alse langhe alse sie leuet sonder yemans wedersegghe_ / mit vorwarde_ alse dan die vors_ yde is afliuich gheworde_ so zal teghader dat alinghe vors_ erue en_ hues en_ die vors_ zeue_ punt gheeldes cleynre pen_i_ghe iaerliker re_the_ en_ so wes dan ghebleuen we_ van de_ vors_ cleynode inghedoemte en_ ryesschappe en_ va_ anders den vors_ gude dinghe en_ hauen rure_de en onrure_de in de_ vors_ erue en_ hues come_ in die eere goedes to + behoef . vijf arme_ ellendigher lude_ tot hoerre hueswestinghen en_ noetturften na regime_te en_ ordina_cien der p_uisore_ in dier tijt van sente lebuijns kercke behoeldelic de_ vors_ ioha_ne en_ sine_ wiue en_ hoerre een~yghelike_ oft sijns te done hadden ter noetturften hoers liues dat sie vercope_ moghe_ va_ den erue en_ hues van der vors_ pe_ninghrenthe_ en_ va_ anders alle dien vors_ dinghe_ des hon gadet sonder yemans wedersegghe_ . en_ dat sie oec bi hoerre beyder leue_dighen liue dess_ vors_ ghiftinghe en_ bezatinghe een deel of altemale wederrope_ en_ verwandele_ moghen oft sie des te rade wierden al arghelist hier uytghesproken en_ anders elkermalke sijns rechts behoelde_ne in dess_ vors_ dinghe_ . Jn orconde des so hebben wy scepe_ vorghen_ onse zeghele an dess_ breef ghehangen Ghegheue_ int iaer ons h_en dusent drie hondert achte en_ tachtentich des do_redaghes na sente . Matheus + dach .