Corpus Van Reenen-Mulder (CRM14): Oorkonde F133p38902

Wy lubbert budel ende . Aernt pape scepe_ in der stad van deuenter tughe_ ope_bare / dat vor ons in scepe_doem quame_ . Wessel va_ deelden en_ . Mette sijn echte wijf en_ becande_ dat sie eenparlic mit hore_ vryen en_ goede_ willen ou_ghegheue_ en_ ouerghewijst hebben den Prouisoren in der tijt va_ des hilighe_ ghiestes hues bynne_ der stad va_ deue_ter gheleghe_ / twe p˚nt gheeldes cleynre pe_ni_ghe iaerlik_ re_the_ payments daer me_ in der tijt ghemeynlic in der stad va_ deuenter tyns ende hueshuyre mede betalen mach . alse na dode des vors_ wessels en_ sijns wiues vors_ erflike_ en_ ewelike_ iaerlix te heffe_ en_ te + boren vyt hoerre helften va_ den erue en_ hues voer en_ achter / dat gheleghe_ is in der stad va_ deue_t__ daer sie nv inne woene_ in der Bisscops~strate_ vor der brincpoerten vp de_ hornic va_ der steghele_ die strecket in die ou_strate . alse to volleste een bedde mede te hoelde_ne en_ te verwaere_ne tot der arme_ zieke_ behoef in den vors_ hilighe_ ghiestes huyse . mit vorwarde_ oft hiernamaels die vors_ wesel en_ sijn vors_ wijf of hore erfghen_ ofte die~ghene die een bezitter w_t des vors_ erues en_ huyses . twe ander p˚nt gheeldes cleynre pe_ni_ghe iaerlik_ re_then des vors_ payments vyt andere_ erue_ en_ huysen bynne_ der stad va_ deue_t__ gheleghen cope_ of werue_ mochte_ / in die stad alse vor die vors_ twe p˚nt gheeldes vyte hore_ vors_ erue en_ hues so zal dat vors_ erue en_ hues daer va_ onbeladen en_ daer af quyt en_ los wesen . sonder enich weder~segghe_ . voertmeer weert zake dat hier~namaels een ander breef dess_ ghelike spreke_de va_ de_ vors_ twe p˚nt gheeldes iaerlik_ renthen tevoertschine queme . dier breue en soelde dan emm_ onduerich en_ sonder macht bliuen in enigherhande wijs . voert so ist te + wetenne dat van den vors_ twe punt gheeldes . iaerlik_ re_th__ dien vors_ wessele en_ sine_ erfghen_ an~ghaen die twe deele . en_ sine_ vorghenoemde_ wiue en_ hore_ erfghenome_ een dorde_ deel al arghelist hier vyt~ghesproken Jn orconde des so hebbe_ wy onse zeghele an dess_ breef ghehange_ Ghegheuen int iaer ons heren dusent drie hondert neghe_ en_ tachtentich des zaterdaghes na sente peters dach ad vincula