Corpus Van Reenen-Mulder (CRM14): Oorkonde F133p38903

Wy herma_ va_ apeldore_ en_ Gelijs va_ arnhe_ Scepe_ in der stad va_ deue_ter tughe_ ope_bare dat vor ons in scepe_doem quame_ Clawes bec en_ ku_ne sijn echte wijf en_ beca_de_ vor he_ en_ vor hore erfghenome_ / dat sie eenparlic en_ mit hore_ goede_ willen ghehuert hebbe_ tot ene_ erftynse van helenberghe_ michels la_me_ va_ dyeze en_ he_rike va_ dyeze der vors_ la_me_ echte_ sone en_ va_ horen erfghenome_ / dat Erue en_ hues dat gheleghe_ is in der stad va_ deue_ter in der Engestrate_ vp de_ graue_ tussche_ de_ erue en_ hues dat tobehoert he_rike scheving an die ene zijt / en_ tusschen de_ erue en_ hues dat tobehoert Otten henrix sone an die ander zijt / iaerlix o_me . Sestyen pu_t gheeldes cleynre pe_ni_ghe iaerlik_ re_the_ payments daer me_ in der tijt ghemeynlic in der stad va_ deue_t__ tyns en_ hueshure mede betalen mach / iaerlix te heffe_ en_ te + bore_ die ene helfte daer af to paessche_ en_ die ander helfte daer af to zantghange_ alse me_ ghemeynlic in der stad va_ deue_ter tyns en_ hueshure plecht te heffe_ en_ te boren behoeldelic . meynolde gherits soen vyte_ vors_ erue en_ hues twe punt gheeldes cleynre pe_ni_ghe iaerliker re_the_ die me_ hem iaerlix gheue_ zal va_ den vors_ zestyen pu_den iaerlik_ re_the_ voert is hier inne te + uerstane . dat va_ den vors_ viertyen pu_den iaerliker re_the_ die daer da_ ou_bliuen die vors_ henric van dyeze en_ sine erfg_ iaerlix bore_ en_ hebbe_ zal vijf pu_t en_ vijf schillinghe . en_ die vors_ helenberch en_ la_me en_ hore erfghen_ elc vier pu_t en_ achte + half schilling cleynre pe_ninghe en_ voert in de_ vors_ dinghe_ anders elkermalc sijns rechts behoelde_ al arghelist hier vytghesproken Jn orco_de des so hebbe_ wy scepe_ vorscr_ onse zeghele an dessen breef ghehange_ Ghegheue_ int iaer ons h_en dusent drie hondert neghe_ en_ tachte_tich des do_redaghes na zantghanghe_ dach