Corpus Van Reenen-Mulder (CRM14): Oorkonde F133p38904

Wy herman va_ apeldoren en_ Gelijs van arnhem Scepe_ in der stad van deuenter tughe_ ope_bare / dat vor ons in scepe_doem quame_ . ludike_ van yselmude_ en_ lutghard sijn echte wijf en_ beca_den vor hem en_ vor hore erfghenome_ dat sie eenparlic mit hore_ goeden wille_ ghehuert hebbe_ tot ene_ erftynse van helenb_ghe michels . lam_en va_ dyeze / en_ va_ he_rike va_ dyeze der vors_ lam_e_ echte_ sone en_ hore_ erfghenome_ / dat Erue en_ hues dat gheleghe_ is in der stad va_ deue_ter vp de_ hornic aluaste an der dijcpoerten ter noerdenb_ghestrate_ ward daer die vors_ ludike_ en_ lutghard sijn wijf nv inne woene_ . daer dien vors_ helenb_ghe en_ lam_en die drie deele af tobehoeren . en_ daer dien vors_ he_rike va_ dyeze een vierden deel af tobehoert iaerlix o_me Seue_tyen p˚nt gheeldes cleynre pe_ni_ghe iaerlik_ re_then payments daer me_ in der tijt gemeynlic in der stad va_ deue_ter tyns en_ hueshure mede betale_ mach / ende iaerlix die te + gheuen en_ te + betalen die ene helfte daer af to Paesschen en_ die ander helfte daer af to zantghangen alse me_ ghemeynlic in der stad va_ deue_t__ tyns en_ hueshure in der stad va_ deue_t__ plecht te + gheue_ en_ te + betalen behoeldelic vyte_ vors_ erue en_ hues helenb_ghe en_ lamme_ vors_ en_ hore_ erfghenome_ drie punt gheeldes cleynre pe_ni_ghe iaerliker re_the_ die sie teghelike iaerlix vpbore_ en_ heffe_ zolen va_ de_ vorscr_ Seue_tyen pu_de iaerliker renthe_ . en_ voert in de_ vors_ dinghe_ anders elkermalke sijns rechtes behoelde_ . en_ al arghelist hier vytghesproken Jn orconde des so hebbe_ wy scepe_ vorscr_ onse zeghele an dess_ breef ghehange_ Ghegheue_ int iaer ons h_en dusent drie + hondert neghen en_ tachtentich des do_redaghes na zantghangen dach