Corpus Van Reenen-Mulder (CRM14): Oorkonde F133p39001

Wy Johan die hoyer en_ henric ter brugghen Scepen in der stad va_ deuenter tughen ope_bare dat vor ons in scepe_doem quame_ . Johan aueking iohans sone aueking en_ nyeze sijn echte wijf / en_ beca_den vor hem en_ vor hore erfghen_ dat sie erflike_ en_ ewelike_ iaerlix schuldich sin vyt hore_ Erue_ en_ huysen die gheleghe_ sin in der stad van deue_ter vp de_ berghe in der Ricmeden~strate tussche_ de_ erue en_ de_ hues dat tobehoert Bertold huec an die ene zijt en_ tussche_ den erue en_ de_ hues dat tobehoert henrike die beryer an die ander zijt . drie mudde goedes winterrogghen en_ drie p˚nt wasses iaerliker renthen . mit alsulke_ vorwarde_ dat sie iaerlix die vorseyde drie moelder rogghen te brode backe_ soele_ laten en_ dat sie dat vors_ broet iaerlix vp sente fabiaens en_ sente Sebastiaens dach alse iaerghetijt is hildebrants ter brugghe_ arme_ lude_ te_ berghe vp de_ kerchaue in die eere goedes vor des vors_ hildebrants ziele deelen soelen / en_ dat sie dan oec va_ den vors_ drien pu_de_ wasses twe waskeersen make_ soelen late_ elke va_ ene_ pu_de die sie te vigilien en_ ter zielemissen vp des vorseyde_ hildebrants graf zette_ soelen te berne_ / en_ vigili~keersen tezame_ van ene_ punt wasses die sie da_ oec vp dat chore zette_ soelen ter beghengnisse_ des vors_ hildebrants . en_ wes dan va_ alle dien vors_ waskeerse_ ou_~blijft onverbrant dat zal come_ ter luchtinghe_ vor dat sacrament in der kerke_ vp den berghe . al arghelist hier vytghesproken Jn orco_de des so hebben wy scepen voerscr_ onse zeghele an dess_ breef ghehange_ Ghegheue_ int iaer ons h_en dusent drie hondert en_ neghentich des mane_daghes na de_ So_nendaghe Jnuocauit me .