Corpus Van Reenen-Mulder (CRM14): Oorkonde F133p39002

Allen den~ghenen die dessen breef zoelen sien of horen lesen . doen wij Egbert berwolding en_ aernt pape p_uisore_ des heilighen gheests hues binnen deuenter kundich mit dessen openen breue dat wij mit berade en_ mit g˚etduncken der gemeenre scepene der stad van deue_ter hebben ghegeuen . Aleyde van zutphe_ alsodanighe prouende alse die zust_en en_ die brod_e dachlix hebben vp hoerre Tafelen myn noch meer Ende desse p_uende sal desse vors_ aleyt bruken ende rosteliken bezitten tot horen lyue sonder enigherhande dienst cleyn ofte groet ten weer dat sijt selue koer . Jtem die heiligegheist ofte sine p_uisore soelen alle~wege aleyde vors_ also langhe alse sij leuet gheuen vp middewint_ . drie pont gheeldes . Jtem soe mach die vors_ aleyt mit horen besten clederen en_ beste kyste en_ bedde en_ voert anders riesscap die sie heeft doen en_ laten voer hoerre doet en_ in hore doet na hoers selues wille woe dattet hoer best gadet . Jn orkonde en_ tuych der waerheit soe hebben wij p_uisore_ vors_ des heiligen gheests huses zeghel aen dess_ brief ghehanghen Ghegeuen int iaer ons h_en dusent drie hondert en_ tneghentich des vridages na den Sonne_daghe als men singhet Oculi in der heiligher kerken