Corpus Van Reenen-Mulder (CRM14): Oorkonde F133p39003

Wij peter va_ lyende_ en_ martijn to_ bome Scepen in der stad va_ deue_t__ tughe_ ope_bare dat vor ons in scepe_doem is ghecome_ . henric va_ haruessen / en_ becande dat hi mit sine_ vryen en_ goede_ wille_ heft ghehuert tot ene_ erftynse teghe_s hessele va_ ouereng berte_ sine_ echte_ wiue / en_ aleyde_ wileneer lefferts dochter bovings / hoer Erue dat nu bloet licht dat gheleghe_ is in der stad van deue_ter vp de_ berghe mit de_ voersten eende streckende an die berchstrate tussche_ hore_ erue en_ hues daer nv inne woent lambert die dozemak_ dat sie daer bi an ligghende hebbe_ an die ene zijt / en_ tussche_ de_ erue en_ de_ hues dat mede tobehoert . mette_ wileneer heynike_ elle_ soens wijf daer die zelue mette nv inne woent an die ander zijt / en_ dat mit de_ achtersten eende strecket an dat erue dat hessele b_ten en_ aleyde_ vors_ tobehoert va_ de_ ene_ hoke tot de_ and_en hoke dwers~ouer ghemete_ vp dat eende va_ der oelder muren dier twier huyse_ voerscr_ an beyde_ tziden / iaerlix vor vierde + half p˚nt gheeldes vijftyen deue_t__ grote vor een p˚nt gherekent / ene_ oelde_ vrancrixsche_ schilt vor drie punt gherekent of ander payment dat daer guet voer is / iaerlix te heffen en_ te boren die ene helfte daer af to Paessche_ en_ die ander helfte daer af to zantghange_ alse me_ ghemeynlic in der stad va_ deuet_ tyns en_ hueshure plecht te heffen en_ te boren . hier af so zint vorwarde_ dat die vors_ he_ric va_ haruesse_ eene weech ligghe_ zal late_ eens votes wijt tussche_ hoerre mure_ va_ hare_ vors_ hues daer nv die vors_ lambert die dozemak_ inne woent en_ sine_ ty_mere dat hi daer bi zette_ zal en_ daer moghe_ sie hoer water doer leyde_ dat vp hoer huyse en_ hoer erue vorscr_ va_ de_ he_mele vallet voert so en zal die vors_ henric noch sine nacomelinghe_ ghene_ vytghang make_ noch hebbe_ an dat achterste eende va_ dien vors_ erue / oec so en zoelen an dat zelue achterste eende des vors_ erues die vors_ hessel berte en_ aleyt noch hore nacomelinghe_ gheen verkenschot zetten / en_ desse vors_ tyns ghiet dien vors_ hessele en_ berte_ sine_ wiue die ene helfte an / en_ der vors_ aleyde_ die ander helfte behoeldelic in de_ vors_ dinghe_ anders elkermalcke sijns rechts . al arghelist hier vytghesproke_ Jn orconde des so hebben wy onse zeghele an dess_ breef ghehangen . Ghegheue_ int iaer ons h_en dusent drie hondert en_ neghentich . vp miduasten