Corpus Van Reenen-Mulder (CRM14): Oorkonde F133p39202

Wy hadema_ van heten ende Aernt vpper~heest Scepen in der stad van deuenter tughen openbare / dat vor ons in scepe_doem is ghecome_ . Arent to bursen en_ becande mit sine_ goede_ wille_ vor hem en_ vor sine erfghenome_ / dat Egbert strubbe en_ Aleyt sijn echte wijf erflike_ en_ ewelike_ hebben iaerlix . dorde + half p˚nt gheldes cleynre pe_ni_ghe iaerliker renthe_ payments daer me_ in der tijt ghemeynlic in der stad van deuenter tyns en_ hueshure mede betale_ mach alse vyt der eenre helfte_ va_ sine_ erue en_ hues voer en_ achter dat hi nv ghecoft heft dat gheleghe_ is in der stad va_ deue_t__ in der stad va_ deuent_ in der Noordenb_ghe~strate_ / tussche_ de_ erue en_ hues dat tobehoert aleyt mases an die ene zijt / en_ tussche_ de_ erue en_ de_ hues dat tobehoert . wysen wigbolts an die ander zijt . iaerlix daer vyt te heffe_ne en_ te + bore_ne / die ene helfte daer af to zantghange_ en_ die ander helfte daer af to paessche_ alse me_ ghemeynlic in der stad van deuenter tyns ende hueshure plecht te heffe_ne en_ te + borenne . al arghelist hier vyt~ghesproke_ Jn orconde des so hebbe_ wy onse zeghele an dessen breef ghehange_ Ghegheue_ int iaer ons h_en dusent drie hondert twe en_ neghentich des wonsdaghes na sente Peters en_ Pawels dach . .