Corpus Van Reenen-Mulder (CRM14): Oorkonde F133p39203

Wy hadema_ va_ heten ende henric scheving Scepe_ in der stad va_ deuenter tughe_ ope_bare dat vor ons in scepe_doem quame_ . Aernt van yttersem gheerloghes sone va_ vrede_ ende lutghart sijn echte wijf mit de_ vors_ aernt hor_ man alse mit hore_ rechte_ mo_baer en_ becande_ dat sie eenparlic mit hore_ vrien en_ goede_ willen witlike_ en_ wael hebben vercoft in ene_ rechte_ en_ steden erfcope . Aleyde va_ zutphen Een pu_t gheldes cleynre pe_ni_ghe iaerliker renthe payments daer me_ in der tijt gemeynlic in der stad va_ deuenter tyns en_ hueshure mede betale_ mach dat sie voertijts coften teghe_s he_rike brusema_ en_ lyse_ sine_ echte_ wiue iaerlix ijrst en_ vor anders yema_t te heffe_ en_ te + boren va_ vier pu_t gheldes cleynre pe_ni_ghe iaerlik_ re_the_ / die he_ric en_ lyse sijn wijf hadde_ vyt ene_ vierdendele an de_ erue en_ hues voer en_ achter dat gheleghe_ is in der stad va_ deuenter in der groter Ouerstrate_ . vp de_ horninc va_ der steghele_ teghens de_ erue en_ hues dat lubb_te budel en_ . ghesen sine_ wiue tobehoert strecke_de bilanx der vors_ steghele_ mit der eenre zijt / en_ tussche_ de_ erue en_ de_ hues dat herma_ne va_ hu_mele mede tobehoert an die ander zijt / En_ voertmeer / een pu_t gheldes cleynre pe_ninghe des vors_ payments en_ een me_ghele_ wijns iaerliker renthe_ / dat sie voertijts coften teghe_s griete cone_ vyte_ erue en_ hues dat tobehoert Jutte pynne_ / dat gheleghe_ is in der vors_ ouerstrate_ tussche_ de_ erue en_ de_ hues dat tobehoert herma_ scherping an die ene zijt en_ tussche_ de_ erue en_ de_ hues dat tobehoert iohan va_ mu_ster an die ander zijt erflike_ en_ ewelike_ iaerlix die vors_ twe pu_t gheldes vp de_ vors_ erue_ en_ huysen te heffen en_ te bore_ die ene helfte daer af to zantghange_ en_ die ander helfte daer af to Paesschen alse me_ ghemeynlic in der stad va_ deue_t__ tyns en_ hueshure . plecht te heffe_ en_ te + bore_ en_ iaerlix daer to dat vors_ me_ghele_ wijns te heffe_ en_ te + bore_ vp de_ hilighe_ kerstes auont . alse vor ene su_me gheldes die he_ bi der vors_ aleyde_ wael is betaelt behoeldelic in de_ vors_ dinghe_ anders elkermalcke sijns rechts al arghelist hier vytghesproke_ Jn orconde des so hebbe_ wy onse zeghele an dess_ breef ghehanghe_ Ghegheue_ int iaer ons h_en dusent drie hondert twe en_ neghe_tich vp des hilighe_ Cruyces auont / Exaltacio