Corpus Van Reenen-Mulder (CRM14): Oorkonde F133p39302

Wy Gelys van arnhe_ en_ lubbert budel . Scepen in der stad van deuenter tughen ope_bare dat vor ons in scepe_doem quame_ lamme die wileneer echte wijf was he_rix va_ dieze . en_ henric va_ dyeze hoer witlike sone / die vors_ la_me mit hore_ mo_baer alse mit de_ vors_ he_ric hore_ sone . en_ becande_ dat sie eenparlic mit goede_ wille_ witlike_ en_ wael vercoft hebbe_ in ene_ gherechte_ en_ stede_ erfcope . Tien pu_t gheldes en_ vyf schillinghe cleynre pe_ni_ghe iaerliker renthen payme_ts daer me_ in der tijt ghemeynlic in der stad va_ deue_ter tyns en_ hueshure mede betale_ mach . helenberghe michels . grieten ende wysen wileneer hermans kind_en va_ haerle alse vyte_ erue en_ hues dat nv tobehoert ludike_ va_ yselmude_ gheleghe_ in der stad va_ deue_t__ vp de_ hornic alvaste an der dijcpoerte_ ter noerdenb_ghe~strate_ ward an den erue en_ hues dat gadike_ lakijs nv tobehoert . iaerlix daer vyt te heffe_ en_ te boren die ene helfte daer af to Paessche_ en_ die ander helfte daer af to zantghanghe_ alse me_ ghemeynlic in der stad va_ deue_t__ tyns en_ hueshure plecht te heffe_ en_ te bore_ alse vor ene su_me gheldes die he_ wael is betaelt . hier is inne te verstane dat van de_ vors_ tyen pu_de_ en_ vijf schillinghen iaerlikes / tobehore_ der vors_ helenberghe_ vijf pu_t en_ vyf schillinghe en_ de_ vors_ griete_ en_ wysen vijf pu_t iaerliker re_the_ vors_ . en_ voert in de_ vors_ dinghe_ anders elkermalcke sijns rechtes behoelde_ al arghelist hier vyt~ghesproke_ Jn orco_de des so hebben wy onse zeghele an dess_ breef ghehanghe_ Ghegheue_ int iaer ons h_en dusent drie hondert drie en_ neghentich des wonsdaghes na de_ so_nendaghe Reminiscere .