Corpus Van Reenen-Mulder (CRM14): Oorkonde F133p39304

Wy . lubbert budel ende henric luden soene Scepen in der stat van deuenter tughen openbare dat vor ons in scependoem ghecome_ sin . Aernt prop . ende . aleyd siin echte wiif mit dien vors_ . Aernt horen ma_ alse hore_ gherechten momber ende becanden dat sie eenpaerliken mit hore_ vryen en_ guede_ willen witliken ende wal hebben vercoft / in ene_ gherechten ende steden erfcope . Grieten ende wijsen wilneer h_mans kinderen van haerle / hem beiden te~ghader ende te~ghelike / twe punt ghelts cleynre pe_ninghe iaerliker renthen payments daer me_ in der tyt ghemeenlic in der stat van deue_t__ tyns ende hueshuer mede betalen mach . alse vyt hore_ erue en_ hues voer ende achter dat ghelegen is in der stat van deue_t__ / in der groter ouerstrate_ / tusschen den erue ende hues dat eermaels toe~behoerde gheride brunikens aen die ene ziit ende tusschen den erue ende den hues dat eermaels herma_ doveyne_ den becker toe~behoerde an die ander ziit / ende iaerlix daer vyt te heffen en_ te boere_ die ene helfte daer af toe zantghanghen ende die ander helfte daer af toe Paesschen / alse me_ ghemeenlike_ in der stat va_ deuenter tyns ende hueshuer plecht te heffen ende te boeren . alse voer ene su_me gheldes die hem wal is betaelt . behoeldelic vyten vors_ erue ende hues . henrix erfghename_ van diese neghentien grote vier cleyne pe_ninghe myn . cleynre pe_ninghe iaerliker renthen . ende voert in den vors_ dinghen anders elkermalcke siins rechts beholden . al arghelist hiir vytghesproken Jn orconde des so hebben wi onse seghele an desen breef ghehangen ghegheue_ int iaer ons here_ dusent drie hondert drie ende neghentich des manendaghes na beloken paesschen