Corpus Van Reenen-Mulder (CRM14): Oorkonde F133p39401

Allen luden die desen brief soelen sien of horen lesen doe ic te + uerstane / Bertolt van baekerweerde burgher te deuenter ende lye openbare mit dessen brieue voer mi ende voer mine erfghenamen / dat ic ontfanghen hebbe van enen eersamen vader in gode ende h_e h_en frederic van blanckenheim bi der ghenaden godes bisscop tutrecht ende van eersamen ende vroeden luden . Scepen ende Raet der stat van deuent_ / dat hues toe holten dat ghehieten is . waerdenborgh mit sinen toe~behoren also dat ic dat vors_ hues hoeden en_ waren sal / zelf derde of zelf vierde ma_ne . Jn alsulker manieren soe wa_neer dat ickes van dien vors_ scepen_ ende Raet der stat van deuenter vermaent worde / ende sie mi dat drie daghe te~voeren laten weten / soe sal ic hem dat vors_ hues co_merlos weder ouerleu_en tot des ghestichts behoef van vtrecht ende dier vors_ stad van deuenter voertmeer weert zake dat miin here van vtrecht vors_ afliuich worde / ofte transferiert worde an een ander ghestichte . ofte dat hij van den vyanden ghevangen worde . soe sal ic dien vors_ scepen ende Raet dat voerscr_ hues ouerleu_en tot des vors_ stichts behoef ende dier vors_ stat van deuenter binne_ dier seluer tijt dat vors_ is . voertmeer soe sal ic nemen van elken waghene / ende van elker karren / ende van anders ghenen guede . sie sin eenspan of twyspan / of anders hoe sie ghespannen sin / die varen doer den boem te holten die styet bij den vors_ hues . enen volmerschen pe_ning / of ander ghelijc payment daer voer / alse vake alse die vors_ waghene ende karre ? dien vors_ boem varen / ende daer en~bouen soe en sal ic ghene_ vpslach doen noch nemen . ende ? ? ghelt alse daer af coempt soe sal ic mit mynen ghesinde vors_ / dat voers_ hues hoelden hoeden ende verwaeren sonder anders enigherhande vpslach ende onraet Ende alle desse vors_ punten heb ic Bertolt vors_ voer mi / ende voer myne ghesinde gheloeft ende ghezekert an gueden trouwen ende mit ghestaefden ? ? ? hilighen ghezworen dier vors_ stat van deuenter vast ende stede te hoelden in alre manieren also ? ? ? arghelist Jn orconde des soe heb ic miin seghel an desen brief ghehanghen Jnt iaer ons ? ? drie + hondert vier en_ neghentich vp sente Ambrosius dach