Corpus Van Reenen-Mulder (CRM14): Oorkonde F133p39403

Wy lubbert iohans soen ende herma_ huesma_ . Scepe_ in der stad va_ deue_ter tughen ope_bare dat voer ons in scepe_doem is ghecome_ her Sweder ghade_ soen een prester vicarius in der kercke_ va_ deuent_ mit sine_ mo_baer alse ioha_nes ter hurne_ dien hi koes mit hande_ en_ mit mo_de ende die he_ ghegheue_ waert alse ghewoentlic is / en_ becande dat hi mit sine_ vryen en_ goeden wille_ witlike_ en_ wael heft vercoft . Aleyde_ va_ zutphen / Een punt gheldes cleynre pe_ninghe iaerlik_ renthe_ vyt sine_ Erue en_ hues voer en_ achter / dat gheleghen is in der stad va_ deue_t__ in der Noordenb_ghestrate_ tussche_ de_ erue en_ de_ hues dat eermaels tobehoerde h_en berende to_ putte an die ene zijt en_ tussche_ de_ erue en_ de_ hues dat tobehoert Engelberte bult an die ander zijt / iaerlix daer vyt teheffe_ en_ te + bore_ die ene helfte daer af to Paesschen en_ die ander helfte daer af to zantghanghe_ alse me_ ghemeynlic in der stad va_ deuent_ tyns en_ hueshure plecht te heffen en_ te + boren alse vor ene su_me ghelts die hoer witlike_ en_ wael is betaelt behoeldelic in de_ vors_ dinghen anders elkermalcke sijns rechts en_ al arghelist hier vytghesproken Jn orconde des so hebbe_ wy scepe_ vors_ onse zeghele an dess_ breef gheha_ghe_ Ghegheue_ int iaer ons h_en dusent drie hondert vier en_ neghentich des mane_daghes na sente lucas dach ewangelisten