Corpus Van Reenen-Mulder (CRM14): Oorkonde F133p39501

? ? ? Scepen ende Rade der stat van deuent_ tughen openbare / dat die prouisoren in der tyt van des hilghen ghiests ? ? der stat van deuent_ / bi Onsen vollencomenen consent ende Rade ouerdraghen sin / mit mechtelt bentinx die wileneer witlike wijf ? henrix ? dien god genadich sij / Jn alsulker manieren / dat die seluen prouisoren in der tyt . wa_neer die vors_ mechtelt afliuich is ? / hoer beghencnisse ende hoer vytleidinge doen solen / ende hoer schult betalen / die mechtelt vors_ / na date dessen breefs ? hadde / Ende soelen dan doen backen te brode . vijf mudde weytes / Ende dat broet dat daer af coempt solen sie ? / voer ? voer hoers vader ende moeder voer he_rix kaneken hoers mans ende voer hoerre vriende zielen / ende voer alle ? ? / die daer van gode onsen heren best loen af eyghen Ende dat soelen sie dan / tot ewighen tijden voert doen alse ? ? is / Ende daer toe / solen sie dan laten maken / twe keersen van tween punt wasses in sente lebuijns kercke Ende des~ghelikes twe keersen van tween punt wasses / in der my_rebroeder kercke . Ende wa_neer die missen dan ghedaen sin soe sal men die keersen ? sente lebuyns kercken vors_ weder afneme_ ende brenghen die in des hilghen ghiests kercke / en_ daer sal men missen bi doen also langhe alse die keersen waren . hiir is ynne te verstane . alse wa_neer dier vors_ mechtelden iirste beghencnisse gedaen is / soe sal men dan voertmeer tot ewighen tijden hoer iaerghetijden hoers vader en_ moeder henrix hoers mans ende hoerre vriende iaerghetijden / zetten vp dier vors_ mechtelden iaerghetijden ende hoerre alre zielen ?~ghader ? oeren dach beghaen : Ende vp dien seluen dach soe solen die prouisoren vors_ in der tijt / eweliken en_ vmmermeer gheuen / ? renthen an handen ende an steden als hiir + na bescreuen staen Jn den iirsten ter ty_meringe an sente lebuiins kercke een punt . Jn der my_re~broeder kercke drie punt die ene helfte daer af ter ty_meringe Ende die ander helfte daer af toe zancwine / den seluen my_rebroed__en tot volleste tot hoerre cost drie punt / Ende die seluen my_rebrod__en solen hore / hoers vader ende moeder henrix hoers mans ende hoerre vriende memorien doen / toe vigilien en_ toe missen . ende tot ewighen tijden in hoer memorien~boeck doen setten Ende in der kercken alst ghewoentlic is dat ghemene ghebet daer voer doen bidden Ende soelen oeck tot ewighen tijden / alle vryedaghe tot auontijt tot completen / in die ere ons_ lieuer vrouwen zinghen dien antiphen Salue regina / mit dier Collecten die daer toe hoert / voertmeer den prouisoren van der seluer my_rebroeder kercken / tot eenre lampen te hanghene voer den cruyce / in middes in der kercke_ voer den chore / daer men in dat choer ghiet drie punt . den priest_ in des seluen hilghen ghiests hues twe punt / den zust_en in den seluen hues onder hem te delene drie punt . voert solen die prouisoren in den vors_ hues / ene bernende lampe doen holden en_ waren . die bernen sal des nachts tot der armer zieken behoef . Elken bedde daer zieken vppe liggen een schilling Jnt oelde baghine_ co_uent tot hoerre cost twe punt . Jn h_en stappen huys tot waringe der zieken twe punt Jn / meyster gherits hues des groten ter cost twe punt / Jn sente iorians + hues den armen zieken tot hoere cost een punt Ende die prouisoren vors_ solen hebben voer horen arbeit tyen schillinge . En_ die seluen zust_en van des hilghen ghiests hues . van den oelden co_uent van h_en stappen hues ende van meyster gherits hues solen dan elkes iaers vp die vors_ iaerghetiden vergad_en in des hilghe_ ghiests hues ende doen hoer vytleidinge iirst alse sie gestorue_ is / ende daer + na tot ewigen tyden alse vors_ is Ende weert dat van dien zusteren dan daer enich ghebreke die daer + bi comen mochte . die solde hoerre portien die hoer daer af gheboeren mochte al ? wesen / sonder arghelist Jn Orconde des en_ want wy willen dat dit in ewigher ghehuchnissen bliue . so hebben wy onser stat Secreet seghel hiir an + ghehange_ . Geg_ int iaer ons h_en dusent drie hondert vijf en_ neghentich vp alre hilghen dach .