Corpus Van Reenen-Mulder (CRM14): Oorkonde F133p39502

Wy Johan ter poerten en_ Martyn te_ bome Scepe_ in der stad van deuenter tughe_ ope_bare dat vor ons in scependoem quame_ Joha_nes ter hurne_ en_ lysabeth sijn echte wijf mit den vors_ ioha_nes hore_ ma_ alse mit hore_ rechte_ mo_baer / en_ becande_ dat sie eenparlic mit hore_ vryen en_ goede_ willen witlike_ en_ wael hebbe_ vercoft in ene_ gherechte_ en_ stede_ erfcope . Aleyde_ va_ zutphe_ . zes pu_t ghelts cleynre pe_ni_ghe iaerliker renthen payments daer me_ in der tijt ghemeynlic in der stad va_ deue_ter tyns en_ hueshure mede betalen mach . iaerlix te heffen en_ vp + te + bore_ van . vijftyen pu_t ghelts cleynre pe_ninghe_ / iaerliker renthe_ des vors_ payments / daer eermaels lambert va_ edingweerde_ o_me ghehuert heft tot ene_ erftynse va_ de_ vors_ ioha_nes ter hurne_ dat Erue daer die vors_ lamb_t vp ghety_mert heft dat gheleghe_ is in der stad va_ deue_ter vpt achterste eende an dier nyerstrate_ die strecket bilanx de_ walle va_ der noerdenb_ghe~poerte_ tot an die smede_~strate . vp de_ erue dat va_~oeldes is ghehiete_ nyenbeke mit de_ achterste_ eende an ene hofstede die nv tobehoert Coep de_ tygheler / en_ tussche_ den erue dat va_~oeldes is ghehiete_ . Almelo mit der eenre zijt / ende tussche_ den weghe die middes strecket doer dat vorghen_ erue dat van~oeldes is / ghehiete_ nyenbeke mit der ander zijt / en_ iaerlix daer vyt te heffen en_ te + boren die ene helte daer af to Paesschen / en_ die ander helfte daer af to zantghanghe_ / alse me_ ghemeynlic in der stad va_ deue_ter tyns en_ hueshure plecht te heffen en_ te bore_ alse vor ene su_me ghelts die hem bi der vors_ aleyde witlike_ / ende wael is betaelt . behoeldelic Meynolde gherits soen vyte_ vors_ alinghe_ erue dat va_~oeldes is ghehiete_ nyenbeke en_ vyt huysinghe_ die in der tijt daer vppe staen . vier pu_t ghelts cleynre pe_ni_ghe iaerliker renthe_ des vors_ payments . die he_ die vors_ ioha_nes en_ lysabeth sijn wyf ouerghewijst hebbe_ iaerlix ijrst te bore_ va_ de_ vors_ vijftyen pu_de iaerlik_ renthen / en_ daer en~teendes so zal die vors_ aleyt iaerlix bore_ va_ de_ vors_ vyftyen pu_de iaerlik_ renthen hore voerscr_ zes punt ghelts iaerlik_ re_the_ / en_ voert in dess_ voerscr_ dinghe_ anders elkermalc sijns rechts behoelden en_ al arghelist hier vytghesproke_ Jn orconde_ des so hebben wy scepe_ voerscr_ onse zeghele an dess_ breef ghehange_ Ghegheue_ int iaer ons h_en dusent drie hondert vijf en_ neghentich des zatersdaghes na dertyende missen daghe alse me_ scrijft E_ph__ia d_m___