Corpus Van Reenen-Mulder (CRM14): Oorkonde F133p39503

Wy Roelf ter brugghe_ ende Roelf michels Scepe_ in der stad va_ deuenter tughen openbare / dat vor ons in scepe_doem is ghecomen Gherijt greuerade en_ dede aldaer ene bezatinghe ende ene rechte ghiftinghe mit sine_ vryen en_ goede_ willen alse va_ sijnre helften an de_ Erue en_ hues voer en_ achter / daer die ander helfte nv af tobehoert Egberte strubben die daer nv inne woent / dat gheleghe_ is in der stad va_ deue_ter vp de_ berghe vor der zantpoerte_ tussche_ de_ erue en_ de_ hues dat nv tobehoert . meynolde gherits soen an die ene zijt / en_ tusschen de_ erue en_ de_ hues dat nv tobehoert . Griete_ va_ ockenbroec en_ hare_ sone an die ander zijt . in alsulker maniren dat na dode des vors_ gherits greuerade_ / die vors_ helfte va_ de_ vors_ erue en_ hues voer en_ acht_ die den vors_ gheride greuerade_ nv tobehoert sonder enich wedersegghen come_ sal in meyster gherits huys die grote / int co_ue_te / in h_en Stappe_ + huys en_ in des hilighe_ ghiests hues ter arme_ zieke_ behoef / also dat dan die p_uisore_ in der tijt dier voerseyden huyses die vors_ helfte des vors_ erue en_ huyses vor en_ achter die nv de_ vors_ gheride greuerade_ tobehoert / erfliken en_ ewelike_ slicht va_ der hant vercope_ moghe_ o_me dat meeste ghelt dat da_ daer af come_ mach . welic ghelt dat sie da_ teghelike deelen soelen in die vors_ vier huyse ter nuttesster orbaer dat sie meyne_ dat dan nuttest is / behoedelic de_ vors_ dat hi dess_ vors_ bezatinghe en_ ghiftinghe verwandele_ en_ weder~rope_ mach een deel of altemale en_ al arghelist hier vytghesproken Jn orconde des so hebben wy scepe_ voerscr_ onse zeghele an dess_ breef ghehanghe_ Ghegheue_ int iaer ons h_en dusent drie + hondert vijf en_ neghentich des dinxdaghes na ons_ vrouwen dach annu_ciacio