Corpus Van Reenen-Mulder (CRM14): Oorkonde F133p39504

Wy ghemeyne Scepen ende Raet der stad va_ deuent_ / doen te + uerstaan alle_ den~ghene_ die dessen breef zoelen sien of hore_ lesen en_ lien ope_bare dat die p_uisore_ va_ des hilighe_ ghiests huys hier bynne_ der stad va_ deue_ter gheleghe_ die nv sin mit onsen co_sente en_ va_ onser beuelinghe_ o_me vorwarden en_ ou_dracht alse voertijts gheschiet sin / tusschen de_ vors_ p_uisore_ van der eenre zijt en_ Joha_ne vos verremole_ va_ der ander zijt alse va_ de_ . twintich moerghe_ lants die in mastbroec gheleghe_ sin / die die vors_ Joha_ vos verremole te + rechte_ testame_te / in dat vors_ huys / dat des hilighe_ ghiests hues heyt vor sine ziele ghegheue_ heft / weder hebbe_ gheloeuet trouwelike_ en_ vastlike_ / also dat sie en_ hore nacomelinghe / na der tijt dat die vors_ ioha_ vos is afliuich gheworde_ / erflike_ ende ewelike_ iaerlix va_ de_ re_the_ die iaerlix verschenighe_ va_ dien vors_ twintich moerghe_ lants gheue_ en_ betalen soelen in die kercke ten . mi_rebrod__en hier bynne_ der stad van deue_t__ gheleghe_ ter eere_ goeds alse tot den zangwyne vor sine ziele / ene take wijns iaerliker renthen / alse daer af iaerlix een menghelen wijns vp de_ hilighe_ kerstes dach / een me_ghelen wijns vp de_ hilighe_ Paesschen dach / een me_ghele_ wijns vp de_ hilighe_ Pinxter dach / en_ een me_ghele_ wijns vp onser vrouwe_ dach assu_pcio . al arghelist hier vyt~ghesproken Jn orconde en_ vestinghe desser vors_ dinghe so hebbe_ wy onser stad secreet zeghel an dessen breef doen hanghe_ Ghegheue_ int iaer ons here_ dusent drie hondert vijf en_ Neghentich . vp sente vrbanus dach . .