Corpus Van Reenen-Mulder (CRM14): Oorkonde F133p39601

Wy Roelf ter brugghe_ en_ Roelf michels soen Scepe_ in der stad van deuent_ tughen ope_bare dat vor ons in scepe_doem quame_ wolbert scheving en_ Gheertruet sijn echte wijf mit den vors_ Wolbert hore_ ma_ alse mit hore_ mo_baer en_ becande_ dat sie eenparlic mit hore_ goede_ willen hebbe_ ghehuert tot enen erftynse va_ . he_rike ekoern nyese_ sine_ echte_ wiue en_ aleyden hore zust_ die wileneer docht_e w_en dyrics bi de_ brincke Een vijfte_ deel va_ de_ Erue en_ huys voer en_ achter daer die vors_ wolbert en_ sijn wijf nv inne woene_ dat gheleghe_ is in der stad va_ deue_t__ in der Assenstrate_ / tussche_ de_ erue en_ de_ hues dat tobehoert alb_te ten bome an die ene zyt / en_ tussche_ de_ erue en_ de_ hues dat tobehoert gheertruden willams dochter va_ walyen an die ander zyt . iaerlix o_me . vyfte + half pu_t ghelts cleynre pe_ni_ghe iaerliker re_the_ payments daer me_ in der tijt ghemeynlic in der stad van deue_ter tyns ende hueshure mede betalen mach . en_ iaerlix die te heffen en_ te + bore_ / die ene helfte daer af to zantghanghe_ en_ die ander helfte daer af to Paessche_ alse me_ ghemeynlic in der stad va_ deuenter tyns ende hueshure plecht te heffen en_ te + boren / behoeldelic in dess_ vors_ dinghe_ anders elkermalke sijns rechts en_ al arghelist hier uyt~ghesproken Jn orconde des so hebbe_ wy scepe_ vorscr_ onse zeghele an dessen breef ghehanghe_ Ghegheue_ int iaer ons h_en dusent drie hondert zesse en_ neghentich des vrydaghes na sente Agneten daghe .