Corpus Van Reenen-Mulder (CRM14): Oorkonde F133p39602

Wy Martijn ten bome ende henric scheving scepen in der stad van deuenter tughe_ ope_bare dat vor ons in scependoem quame_ Oetbert he_reking en_ Mechtelt sijn echte wijf mit de_ vors_ oetbert hore_ echte_ ma_ alse mit hore_ rechte_ mo_baer en_ becande_ dat sie eenparlic mit hore_ goede_ willen witlike_ en_ wael hebben vercoft in ene_ gherechte_ en_ stede_ erfcope Joha_ne beker / Twe pu_t ghelts cleynre pe_ni_ghe iaerliker renthe_ payments daer me_ in der tijt ghemeynlic in der stad va_ deuent_ tyns en_ hueshure mede betalen mach / alse vyt hore_ tween deelen an de_ Erue en_ huys voer en_ acht_ dat gheleghe_ is in der stad va_ deuent_ vp de_ berghe dwers ou_ die strate teghens sente nycolaus kercke vpt westeende vp de_ horninc van der strate_ vyt~streckende achterward an erue hermans blawe_ ende iohans te_ hachhuys mit der eenre zijt / en_ tussche_ ene_ and_en erue en_ huys dat de_ vors_ oetb_te en_ sine_ wiue tobehoer daer nv inne woent iohan va_ batme_ die slacht_ mit der ander zijt iaerlix te heffe_ en_ te + bore_ die ene helfte daer af to zantghanghe_ en_ die ander helfte daer af to Paessche_ alse me_ ghemeynlic in der stad van deuent_ tyns en_ hueshure plecht te heffe_ne en_ te + bore_ne . alse vor ene su_me ghelts die hem bi den vors_ ioha_ne beker wael is betaelt behoeldelic in de_ vors_ dinghen anders elkermalc sijns rechts en_ al arghelist hier vyt~ghesproke_ Jn orconde des so hebbe_ wy scepe_ vors_ onse zeghele an dess_ breef ghehanghen Ghegeue_ int iaer ons h_en dusent drie hondert zesse en_ tneghentich des do_redaghes na sente Marcus dach .