Corpus Van Reenen-Mulder (CRM14): Oorkonde F133p39702

Wy . vrederic va_ der eeze en_ . Gelijs va_ arnhe_ . Scepe_ in der stad va_ deuenter / tughe_ ope_bare / dat vor ons in scepe_doem quamen . Thielema_ die plate_mak__ en_ . fenne sijn echte wijf mit de_ vors_ thielema_ hore_ ma_ / alse mit hore_ rechte_ mo_baer en_ becande_ dat sie eenparlic mit hore_ goede_ wille_ erflike_ en_ ewelike_ vercoft hebbe_ . Alberte va_ der marcke / die helfte va_ . Ses p˚nt ghelts cleynre pe_ni_ghe iaerlik_ re_the_ payments daer me_ in der tijt ghemeynlike_ in der stad va_ deue_t__ tyns en_ hueshure mede betale_ mach en_ daer to die helfte va_ eenre quaerte_ wijns iaerliker re_the_ . alse vyten Erue en_ hues voer en_ achter dat gheleghe_ is in der stad va_ deue_t__ in der cleynre Ouerstrate_ tussche_ de_ erue en_ de_ hues dat nv tobehoert ioha_ne beker an die ene zijt en_ tussche_ de_ erue en_ de_ hues dat nv tobehoert : lamb_te bussen an die and_ zijt . iaerlix die vors_ pe_ningre_the te heffen en_ te + bore_ die ene helfte daer af to zantghanghe_ / en_ die ander helfte / daer af to Paessche_ alse me_ ghemeynlic in der stad va_ deue_t__ tyns en_ hueshure plecht te heffe_ en_ te + bore_ en_ iaerlix die vors_ wijnre_the te heffen en_ te + bore_ vp de_ hilighe_ kerstes auont / alse o_me ene su_me ghelts die he_ bide_ vors_ alb_te wael is betaelt behoeldelic in de_ vors_ dinghe_ anders elkermalc sijns rechts al arghelist hier vyt~ghesproke_ Jn orco_de des so hebbe_ wy scepe_ vorscr_ onse zeghele an dess_ breef ghehanghe_ Ghegheue_ int iaer ons h_en dusent drie hondert zeue_ en_ tneghentich des mane_daghes na des hilighe_ Cruyces dach Inue_cio