Corpus Van Reenen-Mulder (CRM14): Oorkonde F133p39703

Wy herman huesman ende lubbert iohans soen Scepen in der stad van deuent_ tughen apenbare dat voer ons in scependoem ghecomen sin Oetbert henriking en_ mechtelt siin echte wiif / mit dien seluen oetbert horen man alse horen rechten momber ende becanden dat sie mit horen vryen ende gueden willen witliken en_ wal hebben vercoft in enen gherechten ende steden erfcope . Johanne van batman . drie punt ghelts cleenre pe_ninghe iaerliker renthen / payments daer men in der tijt ghemeenlic in der stad van deuent_ tyns ende hueshuer mede betalen mach . alse vyten erue ende huys datt_ middelste is . van drien eruen ende huysen gheleghen in der stad van deuent_ vp den berghe theghens sente nycolaus kerchof . tusschen den erue ende huys dat nv toe~behoert Pelgrim coep_en an die ene zijt . ende vp den hurnic van der steghelen thegens dien vors_ kerchof an die ander ziit . en_ iaerlix daer vyt te heffen en_ te boeren die ene helfte daer af toe paesschen en_ die ander helfte daer af to zantghangen als men ghemeenlic in der stad van deuent_ tyns ende hueshuer plecht te heffen en_ te boeren alse voer ene su_me geldes die hem wal is betaelt . behoeldelic in dessen vors_ dingen anders elkermalcke siins rechts sonder arghelist Jn orconde des so hebben wi onse seghele an desen brief ghehangen Gegeuen int iaer ons heren dusent drie + hondert zoeuen ende neghentich des vrydaghes na sente pontian_ + dach