Corpus Van Reenen-Mulder (CRM14): Oorkonde F133p39801

Wy Martiin ten bome ende herbert splitof Scepen in der stat van deuenter tughen apenba_e dat voer ons in scependoem ghecome_ sin Peter coperslagher en_ Bele siin echte wiif / mit dien vors_ pet_ horen man alse horen rechten momber en_ becanden dat sie mit horen vryen en_ gueden willen witliken en_ wal hebben vercoft in enen gherechten en_ steden erfcope . Aleyden van zutphen drie punt ghelts cleenre penninghe iaerliker renthen payments daer men in der tijt ghemeenlic in der stat van deuent_ tyns en_ hueshuer mede betalen mach / alse vyt horen erue en_ hues dat gheleghen is / in der stat van deuent_ in der broederstraten . tusschen den erue en_ den huys . daer gherit haeck nv ynne woent / an die ene zijt en_ tusschen enen and_en erue ende huys dat dien vors_ peter ende belen sinen wyue toe~behoert an die ander zijt / erfliken en_ eweliken iaerlix daer vyt te heffen en_ te boeren die ene helfte daer af toe zantghanghen en_ die ander helfte daer af toe Paesschen als men ghemeenlic in der stat van deuent_ tyns en_ hueshuer plecht te heffen en_ te boeren . alse voer ene su_me ghelts die hem die vors_ aleyd wal heft betaelt . behoeldelic vyten vors_ erue ende hues den Deken en_ Capitel der kercken van deuent_ drie punt ghelts / aleyden schockencamps twe punt ghelts ende Grieten kensiken drie punt ghelts cleenre penninghe iaerliker renthen ende voert in den vors_ dinghen anders elkermalcke siins rechts behoelden sonder arghelist Jn orconde des so hebben wy onse seghele an desen brief ghehangen Gegeuen int iaer ons heren dusent drie + hondert acht ende neghentich vp sente Odulfus Auont . .