Corpus Van Reenen-Mulder (CRM14): Oorkonde F133p40002

Wy henric scheving ende ghelmer meynolts soene Scepen in der stad van deuent_ tughen apenba_e dat voer ons in scependoem ghecomen sin gheert zwaneken ende Beerne siin echte wiif mit dien seluen gheert alse horen rechten momber ende becanden dat sie mit horen vryen en_ gueden willen witliken en_ wal hebben vercoft in enen gherechten en_ steden erfcope Johanne van batmen tyen pond ghelts cleenre penninghe iaerliker renthen payments daer men in der tijt ghemeenlic in der stad van deuent_ tyns ende hueshuer mede betalen mach vyten erue ende hues dat eermaels toe~behoerde Johanne ploech . dat gheleghen is in der stad van deuent_ . bij der D˚enpoerten / daer die vors_ gheert ende Beerne siin wiif noch ter + tijt iaerlix vier pond vyt behoelden . also te + uerstane . dat die vors_ tyen pond iaerlix erfliken ende eweliken ghaen soelen voer die vors_ vier pond iaerliker renthen . Ende iaerlix daer vyt te heffen ende te boeren die ene helfte daer af toe / zantghangen ende die ander helfte daer af toe Paesschen als men ghemeenlic in der stad van deuenter tyns ende hueshuer plecht te heffen ende te boeren / alse voer ene su_me ghelds die hem wal is betaelt behoeldelic vyt dessen vors_ erue ende hues henrike van leyden ene quaerte wiins iaerliker renthen ende voert in den vors_ dinghen anders elkermalcke siins rechts behoelden sonder arghelist Jn orconde des soe hebben wij Scepen vors_ onse seghele an desen brief ghehangen ghegeuen int Jaer ons heren dusent vier + hondert des vrydaghes na sente Jacobs daghe