Corpus Van Reenen-Mulder (CRM14): Oorkonde F141p37001

@ @ Alle den ghenen die desen brief soelen sien of horen lesen Do Jc verstaen ghisebert hughen sone scoute in + den maelscappen van koelhorst van wede en_ van Emmi_glaer van des bisscops weghen van vtrecht Dat vor mi en_ vor Die malen en_ lantghenote_ @ Die hiir na bescreue_ staen siin ghecome_ int gherichte van koelhorst iohan en_ mechtelt iohans-e kiinder van liesuelde mit @ hem viren die desen vorseyden kiinderen aen~ghaen van horen vier virendelen van hore maesschap alse Euert van @ wede steven tydemans sone van hamerberghe ghisebert schade en_ Dyrc Clotinc en_ hebben ghegheuen en_ opghedraghe_ @ alse Recht en_ oerdel wiisden iohan van liesuelde horen vader alle erfnisse van allen goede Die hem aen~? @ was binnen den gherichte van koelhorst alse van ysentrude dode hore moder En_ Daer verteghen iohan en_ ? iohans kiinder van liesuelde vorscr_ af alse Recht was also dat Die malen en_ lantghenote_ wiisden Dat dese vorseide @ erfnisse iohan van liesuelde vorscr_ vast en_ stade is mit den Rechte behouden elkermalc siins Rechts Dat te~voren @ vor die malen en_ lantghenoten ghesciet is En_ hiir daden to mit horen eden Euert van wede steven tydemans @ sone van hamersberghe ghisebert schade en_ Dyrc ? vorscr_ Dat dese vorseyde opghifte iohans hoers neven ? @ mechtelde hore nichten iohans kiinder van ? vorscr_ beste oerbaer was en_ si hem gheen (onleesbaar) wisten op Die tiit wtgheset alle arghelist hiir waren over alse malen en_ lantghenote_ Do Dit ghesciede ? @ van wede ghisebrecht scoute van den kelre lambrecht henrix sone jordaen ghisebrechts sone johan Die Coninc herman Careman iohans sone gheriit de wilde gheriit zoes en_ anders vele goeder lude die Dit saghen en_ hoerden jn @ orconde des briefs Dien ic ghisebrecht hughen sone scoute vorscr_ beseghelt hebbe mit minen seghel En_ want wi @ steven van wede ghisebrecht scoute van den kelre lambrecht henrix sone jordaen ghisebrechts sone johan Die Coninc @ herman Careman iohans sone en_ gheriit de wilde hiir over en_ aen gheweest hebben alse malen en_ ? @ Do Dit ghesciede so hebbe wi desen brief mede beseghelt mit onsen seghelen in kennisse der waerheyt En_ want ic @ gheriit zoes hiir mede over en_ aen gheweest hebbe als een male en_ lantghenoet En_ ic selue gheen seghel en @ hebbe op dese tiit so oerconde ict onder seghele des scouten en_ der malen en_ lantghenote_ vorscr_ gheliker wiis @ oft ic desen brief mede beseghelt hadde en_ hebt hem ghebeden mede over mi te + beseghelen Ghegheue_ int jaer @ ons h_en Dusent Drie + hondert en_ tseventich Des manendaghes na onser vrouwen Dach Concepc_o