Corpus Van Reenen-Mulder (CRM14): Oorkonde F141p37901

@ @ Alle den ghenen die desen brief soelen sien of horen lesen do wi verstaen ghisebert hughen sone scoute tot koelhorst van des @ bisscops weghen van vtrecht ende gheriit die wilde tynsmeyster dat vor ons ende vor die lantghenoten en_ bure die hiirna bescreuen staen siin ghecomen int gherechte herman Careman iohans sone en_ bertraet siin wiif ende hebben ghegheuen @ en_ opghedraghen alse recht en_ oerdel wijsden iohan Careman horen sone den eyghendoem van enen Campe lants al als die @ gheleghen is in die slaghe mit egghen en_ mit eynden en_ mit sinen vterdiic daer an die ene side naest gheerft is iohan @ Careman vorscr_ Ende an die ander side lambert Claes soens erfname . Ende daer verteghen herman Careman en_ bertraet siin wiif vorscr_ af alse recht was also dat die lantghenoten en_ bure wiisden dat dese vorseide eyghendoem iohan @ Careman vorscr_ vast ende stade is mit den rechte . behouden den tynsmeyster vorscr_ enen brabantsche iaerlix te tynze @ payments als in elker tiit der betalinghe ghemeenlike te + budel ghaet te + betalen in + des tynsmeysters erue dat gheleghen is @ tot koelhorst iaerlix tot sente mertiins misse in + den wiinter voert so siint vorwarde dat iohan Careman vorscr_ @ weghen ende varen sel tot desen vorseiden Campe + lants of ende an tot allen tyden als hiis te doen heeft alse redelic en_ be-scheydelic ? ? die twe Campe + lants die gheriit die wilde vorscr_ daer voer ligghende heeft wtgheset alle arghelist . hiir waren ouer alse lantghenoten en_ bure do dit ghesciede pouwels van den zande wouter Ecbert des beren sone @ peter ? ? ? lamberts sone Euert Reynars sone goeswiin wouters sone van der Eem wouter iohan Care-mans sone ? ? ? poyten soens sone en_ anders vele goeder lude die dit mede saghen ende hoerden Jn orconde @ des briefs ? ? ? hughen sone scoute en_ gheriit die wilde tynsmeyster vorscr_ beseghelt hebben mit onsen @ seghelen . Ende ? wi pouwels van den zande wouter Ecbert des beren sone peter Reynars sone ghisebert lamberts @ sone Euert Reynars sone goeswiin wouters sone van der Eem en_ wouter iohan Caremans sone vorscr_ hiir ouer ende @ aen gheweest hebben alse lantghenoten en_ bure do dit ghesciede so hebbe wi desen brief mede beseghelt mit onsen seghe-len tot eenre oerconde Ende want ic Euert bot dyrc poyten soens sone vorscreuen hiir mede ouer en_ aen gheweest @ hebbe als een lantghenoet en_ bure do dit ghesciede en_ ic selue gheen seghel en hebbe op dese tiit so oerconde ict onder @ seghele des scouten des tynsmeysters en_ der lantghenoten ? ? vorscr_ gheliker wiis of ic desen brief mede beseghelt hadde en_ hebt hem ghebeden mede ouer mi ? + ? ? int iaer ons h_en dusent drie + hondert @ Neghen en_ tseuentich op sente marien magdalenen ?