Corpus Van Reenen-Mulder (CRM14): Oorkonde F165p36101

@ @ Alle den ghenen die desen brief Soelen sien of horen lesen Do wi verstaen ghisebrecht van lodensteyne Scoute ghisebrecht @ buermeyster Symon heren lubberts sone Reyner poyten sone Ende gheriid yserman Scepene tot amersfoerde Dat ghecomen @ Siin vor ons int gherichte Symon heren lubberts sone vorghenoemt en_ lubbert siin sone Ende hebben ? gheriid @ van Renen Ene hofstede die gheleghen is in die broyelstrate Daer an die Ene Side naest gheleghen is ? sebastiaens kerchof Ende an die ander Side naest gheerft is pouwels van den zande tot den eersten brande to . iaerlix om Sestyen grote @ payments Dat binnen amersfoerde ghenghe ende gave wesen Sal in der tiit der betalinghe te + betalen iaerlix tot allen @ Sente martiins misse in + den winter . Voert so siint vorwarde waert zake Dat gheriid van Renen dat hues vercofte dat op @ dese vorghenoemde hofstede staet . So soelen Symon ende lubbert vors_ voert verlien den ghenen die dat hues cofte die hure @ van der hofstede tot den eersten brande to voer den seluen pachte en_ Rente alse vors_ is om Een paer hanscoen Ende voert @ So soelen Symon en_ lubbert siin sone vors_ nigheen man verlyen die hure van der vorghenoemder hofstede alst eens vercoft @ is Si en + willen doen Jn orconde des briefs beseghelt mit onsen seghelen ghegheuen in + den iare ons heren dusent drie @ hondert Een ende Sestich des vrydaghes na sente tyburcius dach in aprille