Corpus Van Reenen-Mulder (CRM14): Oorkonde F165p36401

@ @ Wi Deken En_ ghemene Capetel der kerken tot amersfoerde maken cont allen luden dat @ de stat van amersfoerde ons betalen mach alle iare wa_neer Si wil tot sente martiins misse in @ den winter ofte tot sente peters misse in den leynten viertyen daghe na elken termine vors_ @ onbegrepen die hondert pont en_ tsestich pont pe_ninghe die Si der Capellen tot sente sebastiaen tot der papeliker proven sculdich is van heine hallen weghen en_ delianen siins @ wiifs an sulken paymente als binne_ der stat van amersfoerde in der tiit der betalinghe ghenghe en_ gheve wesen Sal mit achte ponden des vorseyden payments van verdiender Renten mit sulken vorwarden dat ons de vorseyde stat iaerlix te Rente_ Sal @ gheuen van den vorghenoemden ghelde also langhe als Siit onder heeft Sestyen pont @ pe_ninghe payments vors_ te + betalen die ene helfte tot allen sente martiins misse in den @ winter en_ die ander helfte tot allen sente peters misse in den leynten viertyen daghe @ na elken termine vors_ onbegrepen wtgheset alle arghelist Jn orconde des briefs beseghelt mit onsen Capetels seghel ghegheue_ int iaer ons heren dusent drie + hondert @ vier en_ tsestich op sente andries avond des apostels