Corpus Van Reenen-Mulder (CRM14): Oorkonde F165p36701

@ @ Alle den ghenen die desen brief soelen Sien of horen lesen Do wi verstaen ghisebrecht van lodensteyne scoute ghisebrecht heren @ ghisebrechts sone van lodensteyne borghermeyster herman careman ludeman lodemans @ sone ghisebrecht buermeyster Egbert @ die bere herman bors sone jacob hoeft-e jordaen ghisebrechts sone Diric poyten sone En_ herman ludemans @ sone Scepene tot @ amersfoerde dat vor ons siin ghecomen int gherichte gode bylar en_ Erkenraet siin wiif En_ hebben ghegheuen en_ opghedraghen alse Recht en_ oerdel wiisden gheriid de smit van baerne Den eyghendoem van eenre hofstede die gheleghen is @ in die Cromme + strate Daer an die Ene side naest gheerft is Wouter rose en_ an die ander side Wendelmoed broniis @ dochter En_ daer after ten eynde naest gheerft is tydeman loper mit eggen en_ mit eynden also als si gheleghen is en_ si van den @ here en_ van onser stat roert En_ daer verteghen gode bylar en_ Erkenraet siin wiif vorscreuen af alse Recht was also dat @ wi vorghenoemde Scepene kenden dat dese vorseyde Eyghendoem gheriid de smit van baerne vorscreuen vast en_ stade is @ mit den Rechte behouden den here siins tyns ende onser stat hoers tyns Jn orconde des briefs beseghelt mit onser stat seghel ghegheuen int jaer ons heren Dusent drie + hondert seven en_ tsestich op sente magdalenen avond