Corpus Van Reenen-Mulder (CRM14): Oorkonde F165p37701

@ @ Alle den ghenen die desen brief soelen sien of horen lesen do wi verstaen herman vten wiwer scoute iohan @ smit ghise maten sone Reyner keil Ricout iohan gouts sone iordaen gheriit verkens sone iohan van blomendale en_ gheriit hoeft scepene tot amersforde dat ghecomen is vor ons int gherichte ghisebert Euert @ goetscalcs sone en_ heeft verhuert ten eersten brande to arnt mutsen ene hofstede also als die gheleghe_ @ is in + die langhe + strate mit egghen en_ mit eynden daer an beyden siden naest gheerft is ghisebert E-uert goetscalcs sone vors_ des iaers om ses pont pe_ninghe payments dat binnen amersforde in elker @ tiit der betalinghe ghenghe en_ ghaue is . te + betalen alle iare die ene helft tot sente iohans misse tot @ midzomer Ende die ander helft tot middewinter . voert so siint vorwarde dat arnt mutse @ die strate te~neffen der vorseider hofstede maken ende houden sel buten ghiseberts cost vors_ Ende @ hi sel die steghe moghen varen en_ bruken ghelike anderen buren sonder arch voert so sel arnt mut-se vors_ enen stenen voet doen maken ende houden op die side tot ghiseberts steenhuse werts vorscr_ @ also lanc als dese vorseide hofstede strecket Ende wes hi daer op tymmerde dat sel wesen mit @ eenre hogher want . waer oec dat zake dat arnt mutse dat hues vercopen woude dat op dese @ vorseide hofstede staet so mach ghisebert Euert-e goetscalcs sone vors_ den voercoep Daer of hebben @ of hi wil om dat selue ghelt daert een ander omme Copen soude ter waerheit En_ en woude @ hi den coep daer of niet hebben so sel ghisebert vors_ die vorseide hure verlien den ghenen die @ dat hues coept om den vorscr_ pacht in allen maniren en_ vorwarden alse vorscr_ is En_ des @ sel hem gheven die ghene die dat hues coept een half take wiins als hi hem dese vorscr_ hure @ verliet wtgheset alle arghelist jn + orconde des briefs beseghelt mit onsen seghelen ghegheuen @ int iaer ons heren dusent drie + hondert zeuen ende tseuentich op sente gheertrude dach