Corpus Van Reenen-Mulder (CRM14): Oorkonde F165p37901

@ @ Alle den ghenen die desen brief soelen sien of horen lesen do wi verstaen ghisebrecht van @ lodensteyne scoute ghisebrecht van lodensteyne h_en ghisebrechts sone gheriit Ecberts sone @ van den Campe en_ herman ludemans sone scepene tot amersforde dat ghecomen siin vor @ ons int gherichte iohan die molenaer en_ griete siin wiif en_ hebben ghegheuen en_ opghedraghen alse Recht en_ oerdel wiisden henric wynen sone en_ alide sinen wiue den eyghen-doem van den huse dat buten havicker~toerne staet mit der hure van der hofstede @ daer an beyden siden en_ ant afterste eynde naest gheerft is gode van birket . do @ dit ghedaen was do quam vor ons int gherichte gode van birket en_ verliede hen-ric wynen sone en_ alide sinen wiue die vorseide hure van der hofstede daer dit vorseide hues op staet in allen maniren en_ vorwarden als die brief begrepen heeft daer dese teghenwordighe brief doer ghesteken is . jn + orconde des briefs beseghelt @ mit onsen seghelen . ghegheuen int iaer ons h_en dusent drie + hond_t Neghen en_ tse-uentich des donredaghes vor sente gregorius dach