Corpus Van Reenen-Mulder (CRM14): Oorkonde F165p37902

@ @ Alle den ghenen die desen brief soelen sien of horen lesen do wi verstaen Ricout iohan gouts sone goetshues~berader ende @ tynsmeyster van des goetshues weghen iacob vten haghe ghisebrecht van lodensteyne h_en ghisebrechts sone gheriit Ecberts @ sone van den Campe maes note herman ludemans-e sone iohan banne herman Careman Ricouts sone ende iohan meye gher-wiins sone scepene tot amersforde dat ghecomen siin vor ons int gherichte iacob smit volquiins sone ende bertraet siin @ wiif Ende hebben ghegheuen ende opghedraghen alse recht en_ oerdel wiisden volquiin horen sone den eyghendoem van @ der husinghe en_ van den erue also als die gheleghen siin in die langhestrate mit egghen en_ mit eynden daer an @ die ene side naest gheerft is gheriit seybart Ende an die ander side Ricout die merseman Ende daer verteghen @ iacob smit ende bertraet siin wiif vorscr_ af alse recht was also dat wi vorghenoemde scepene kenden dat dese @ vorseide eyghendoem volquiin iacob-e smeets sone vorscreuen vast ende stade is mit den rechte behouden den goetshuse @ siins tyns Ende herman heyne Casemans soens erfname een pont pe_ninghe des iaers te renten jn + orconde des briefs beseghelt mit onser stat seghel . ghegheuen int iaer ons h_en dusent drie + hondert Neghen Ende tseuentich des @ wonsdaghes na sente bonifacius dach