Corpus Van Reenen-Mulder (CRM14): Oorkonde F165p38001

@ @ Alle den ghenen die desen brief soelen sien of horen lesen do wi verstaen Ricout iohan gouts sone scoute Rey-ner keil volquiin bot ende gheriit zoes scepene tot amersforde dat ghecomen is vor ons int gherichte @ Euert symons sone Ende heeft verhuert ten eersten brande to hillen die iohan scopen wiif was ende wou-ter willams sone van haghenouwe tot behoef iohan scopen erfname een hofstede also als die gheleghen is @ in die broyelstrate mit egghen ende mit eynden daer an die ene side naest gheerft is Euert symons @ sone vorscr_ En_ an die ander side wouter Roze des iaers om ses pont pe_ninghe payments dat binnen @ amersforde in elker tiit der betalinghe ghenghe ende ghaue is te + betalen iaerlix die ene helft tot sente @ victors misse en_ die ander helft tot paeschen voert so siint vorwarde waert zake dat dat tym-mer dat op dese vorseide hofstede staet hiir namaels vercoft worde so mach Euert symons sone @ vorscr_ den voercoep daer of hebben of hi wil om dat selue ghelt daert een ander omme ghecoft @ hadde ter waerheit En_ waert zake dat hi den voercoep niet hebben en woude so sel hi dese vorseide @ hure voert verlien den ghenen diet ghecoft hadde Ende daer so sel euert symons sone vors_ of hebben @ tot elker tiit als hi die hure verliede een paer hanschoen @ wtgheset alle arghelist jn + orconde des @ briefs beseghelt mit onsen seghelen ghegheuen int iaer ons heren dusent drie + hondert ende tachtich @ des wonsdaghes na sente gregorius dach