Corpus Van Reenen-Mulder (CRM14): Oorkonde F165p38101

@ @ Alle den ghenen die desen brief soelen sien of horen lesen Doe jc verstaen ghysebrecht scoute van den kelre Dat ic @ verh˚ert hebbe Ricout die rughe Ene hofstede ten yersten brande to . also alst @ die gheleghen is op blomendale daer ic @ selue naest gheerft bin aen beyden siden . Ende daer an die Ene side naest gheleghen is . mit Enen huse . wouter van lewen @ Ende aen die ander side zwanelt magher heynen des jaers om drie pont pe_ninghe . Ende om twe hoenre payments dat @ binnen amersfoerde in Elker tijt der betalinghe ghenghe ende ghaue wesen sel . te + betalen jaerlix . tot sente martiins misse @ in + den wiinter wtgheset alle arghelist . jn orconde des briefs bezeghelt mit minen zeghel . Ghegheuen int jaer ons h_en @ dusent drie + hondert Een ende tachtich Des dynxdaghes na judica in die vasten ~