Corpus Van Reenen-Mulder (CRM14): Oorkonde F165p38102

@ @ Alle den ghenen die desen brief soelen sien of horen lesen do wi verstaen Ricout iohan gouts sone scoute @ peter ghiseberts sone henric wolf willams sone ende lubbert vrancken sone scepene tot amersforde @ dat ghecomen is vor ons int gherichte dyrc die coninc ende heeft verhuert ten eersten brande to volquiin ricouts sone drie hofsteden also als die gheleghen siin buten den vyetoerne in die @ tote @ mit egghen en_ mit eynden als si volquiin ricouts sone vors_ nv betymmert en_ begrepen @ heeft daer an die ene side naest gheleghen is een ghemene wech Ende an die ander side herman wye mit eenre hofstede die hi in huren heeft van dirc den coninc vors_ . des iaers om tyen @ pont pe_ninghe payments dat binnen amersforde in elker tiit der betalinghe ghenghe ende @ ghaue wesen sel . te + betalen alle iare tot sente mertiins misse in + den wiinter wt~gheset alle arghelist . jn + orconde des briefs beseghelt mit onsen seghelen . ghegheuen int iaer ons heren du-sent drie hondert een ende tachtich des zonnendaghes na sente seruaes dach