Corpus Van Reenen-Mulder (CRM14): Oorkonde F165p38401

@ @ Alle den ghenen die desen brief soelen sien of horen lesen doe wi verstaen Ricout iohan @ gouts sone scoute lubbert springher iacob van vlowiic En_ heinric note scepene @ tot amersfoerde dat ghecomen is vor ons int gherichte heinric camper Ende @ heeft verhuert tot enen erfpacht Euert lamberts sone van herlar En_ Euert Reiners @ sone tot behoef gheertrut @ Euerts lamberts soens wiif voerscr_ ene hofstede also @ als die gheleghen is buten hauiker~toerne mit egghen en_ mit einden daer + an die @ Ene side naest gheerft siin heinric camper En_ iohan iordans sone en_ @ ander side ian @ iordans sone voerscr_ des iaers om twe pont pe_ninghe paiments dat binnen amersfoerde in elker tiit der betalinghe ghenghe en_ gaue wesen sel te + betalen iaerlix @ des anderen daghes na sente meertens dach in + den wiinter voert so siint vorwaerde dat Euert lamberts sone en_ gheertrut siin wiif voerscr_ desen voerseiden erfpacht na hoere doet eruen soelen op die kiinder die si dan te~samen hebben wtgheset alle arghelist jn + oerconde des briefs beseghelt mit onsen seghelen ghegheuen int @ iaer ons heren dusent drie hondert vier en_ tachtich op sente andries auont des apostels