Corpus Van Reenen-Mulder (CRM14): Oorkonde F165p38701

@ @ Alle den ghenen die desen brief Sellen sien of horen lesen Doe wi verstaen arnout johan @ goud sone scoute gheriit duwer claes ghele ende euert bot dirx sone scepene tot amersforde dat ghecomen siin vor ons int gherechte wouter bot mit aleyd sinen wiue @ ende hebben ghemaket alse rechte en_ oerdel wiisden horen kiind_en de si nv tegader @ hebben en_ noch hiir namels te~gader vercrighen moghen de husinghe mit der @ hueswere van + der hofstede al alse die gheleghen siin in + de broyelstrate daer an + de @ ene side naest gheleghen is jacob smit mewus sone en_ an + der ander side euert vis-scinc Die opten voersc_ kiind_en al gheliic te erven nae hoerre Doot behouden @ elker malc siins rechts dat te~voren vor scepene ghesciet is jn oerconde des briefs @ beseghelt mit onsen zeghelen ghegheuen int jaer ons h_en dusent drie + hondert @ seuen en_ tachtich des Donredaghes nae ons h_en hemeluaerts Dach