Corpus Van Reenen-Mulder (CRM14): Oorkonde F165p38702

@ @ Alle den ghenen die desen brief sellen sien of horen lesen doe wi verstaen ricout johan gouts soen scoute @ ghisebrecht van lodensteyn andries johans soen gheriit duwer-e lubbrecht vrancken soen claes gheel ? van @ vlowiic heynric hetter johan-e zoes euert bot dirx soen en_ johan gueden soen scepene tot amersfoerde dat ghecomen is voer ons int gherichte ghisebert ketelaer ghiseberts soen en_ heeft ghemaket alse recht en_ oerdeel @ wiisden gheriit zeybert tot behoef der broederscap van sente johan tot amersfoerde een pont penninghe @ des jaers erfliken te reynten payments dat binnen amersfoerde in elker tiit der betalinghe ghenghe en_ @ gaue is in + den erfpacht van eenre hofstede die gheleghen is op die visscherye daer an die een side naest @ gheleghen is gheriit ketelaer mit eenre hofstede die hi van onser stat in pacht heeft en_ an die ander @ side een ghemeen wech te betalen dese voerseyde reynte jaerlix tot sinte mertiins misse in + den winter @ behouden elker malc siins rechts dat te~voren voer scepene gheschiet is jn oerconde des briefs beseghelt @ mit onsen seghelen ghegheuen int jaer ons h_en dusent drie hondert zeuen en_ tachtich des woensdaghes na sinte mertiins dach in + den winter .