Corpus Van Reenen-Mulder (CRM14): Oorkonde F167p38701

@ @ Alle den ghenen die desen brief sellen sien of horen lesen doe wi verstaen wouter van haghenouwe @ scoute tot lüesden van des bisscops weghen van vtrecht dat voer mi en_ voer die lantghenoten @ ende büeren die hier + na bescreuen staen is ghecomen int gherichte ricout arent-e smeets soen @ ende heeft ghegheuen ende opghedraghen alse recht ende oerdel wiisden jacob-e nenninc heinrix @ soen tot behoef gherbroch jorden-e ghiseberts-e soens (onleesbaar) (onleesbaar) den eyghendom van enen stucke @ lants also als dat gheleghen is in lüesdermaet mit egghen ende mit eynden daer an die een side @ naest gheerft is die bisscop van vtrecht ende an die ander side ghisebert wolf heinrix soen ende @ daer verteech ricout arent-e smeets soen vorscreuen of alse recht was also dat die lantghenoten en_ @ die büeren wiisden dat dese voerseyde eyghendom gherbroch vorscreuen vast ende stade is mitten @ recht behouden den here siins rechts hier waren ouer alse lantghenoten ende büeren doe dit gheschiede wouter roese johan meye gheriits soen egbert-e haes heyne blaut güede lamberts soen @ peter güeden soen heyne van + den brinc ende ghisebert van scuren jn orconde des briefs dien ic @ wouter van haghenouwe scoute vorscreuen beseghelt hebbe mit minen zeghel ende want wi wouter roese johan-e meye gheriits soen ende egbert haes vorscreuen hier ouer ende aen gheweest hebben alse lantghenoten ende büeren doe dit gheschiede so hebben wi desen brief mede beseghelt mit @ onsen seghelen tot eenre oerconde ende want wi heyne blaut-e güede lamberts soen peter güeden @ soen heyne van + den brinc ende ghisebert van ? vorscreuen hier mede ouer ende aen gheweest hebben alse lantghenoten ende buren ? ? gheschiede ende wi selue gheen zeghele en @ hebben op dese tiit so orconde wiit onder ? ? scouten der lantghenoten ende der büeren @ vorscreuen gheliker wiis of wi desen brief ? beseghelt hadden ende hebbent hem ghebeden mede ouer ons te beseghelen ? ? jaer ons heren dusent drie hondert @ zeuen ende tachtich op sinte lucas dach ?