Corpus Van Reenen-Mulder (CRM14): Oorkonde F169p38701

@ @ Alle den ghenen die desen brief zellen sien of horen lesen doe wi verstaen johan otten soen van wolfswinkel Scoute ghisebrecht botter johan van voerder heynric cruue en_ johan van ymminchusen Scepene jn woudenberch dat voer ons quam jnt gherechte heynric lubbrechts @ soen en_ droech op mit sinen vryen wille en_ gaf ouer lubbrecht sinen sone enen vryen eyghendom van derde + halue hoeue lants gheleghen jn den voerseyden gherechte op voskule daer bouen naest ghelant is heynric lubbrechts soen voers_ en_ beneden rutgher @ willams soen en_ heyn voers_ verteech hier of tot lubbrechts-e behoef voers_ als recht wiisde dattet vast en_ stede bliuen sel @ jn manyeren dat heyn voers_ mit sinen wiue jn der husinghe vrylic wonen sellen also langhe als si leuen die op den voerseyden erue @ staen en_ al opgaende hout horen vryen wille mede te doen / mer voeren si daer of so en sellen si gheen tymmer of~vüeren dan enen berch @ en_ die halue hoeue lants daer rutgher voers_ op woent sellen si vrylic bruken tot horen liue En_ wanneer si ofliuich werden sal + men @ die scout betalen die si sculdich siin mit horen tilbaren goede en_ bleue dan enighen kommer op die voers_ halue hoeue die sel lubbrecht @ voers_ betalen / Voert heuet heyn voers_ ghewilcoert dat hi alle goet dat hi nv ter tijd heuet eruen sel op lubbrecht sinen sone of op @ lubbrechts erfnamen en_ hem gheen goet ontmaken en sel noch vercopen wtgheset dat goet tot ameronghen ofs hem kenlic noot dede @ van scoude En_ op der haluer voers_ @ en sel hi ghenen kommer maken buten lubbrecht voers_ / Voert alle goet dat heyn voers_ nv ter @ tijd heuet wtgheset die twe hoeuen lants voers_ sel heyn en_ siin wijf vryliken bruken also langhe als hore enich leuet En_ tenden @ hore liue sellen heynen drie dochteren of hore erfnamen van den erue tot ameronghen en_ van gheytenbeke heffen vier jaer @ renten / voert waer dat zake dat lubbrecht voers_ afliuich worde binnen jaers na datu_ des briefs en_ en~gheen blikende boerte van @ sinen wiue after en liete so soude eeffe-e siin wijf wt~varen mit horen goede dat si an hem hadde ghebrocht kommervri en_ mit @ hondert ponden stichts payments te beteringhe alle arghelist wtgheset jn kennisse der waerheyt so hebben wi Scoute en_ Scepene @ voerghenoemt onse zeghele an desen brief ghedaen ghegheuen jnt jaer ons heren dusent drie + hondert seuen en_ tachtich des @ donredaghes na beloken paschen