Corpus Van Reenen-Mulder (CRM14): Oorkonde F179p35101

Wj / Richter en_ Scepene van Sutphen apenbaer mit desen brieue / dat wy ghesien en_ ghehoert hebben ene_ gansen alinghen apene_ brief besegelt mit ons Staeds segel / die op su_te Peters en_ sunte Pauwels auonde naest ghelieden was . viertien jaer oelt / van wilken brieue ons cu_dich is / dat Pieleg_m willems soens en_ fyen sijns wiues kind_e hebbe_ een p˚nd cleynre pe_ninghe jaerliker reinte_ / vyt huys en_ stede / die geerds assen neue_ ghewesen hadden / geleghen opper huerne_ / van kupekens~strate / tgheghen dien huse auer / dat ghewesen hadde . Lamberts berwolds soens / willic p˚nt / ingelts vorscr_ . . Nyese die Coenraeds ys_ens witlike wijf was gheghieue_ heeft dien vorgen_ kind_en mit and_en ingelde / dat sij hem te~samene gheghieue_ en_ bewijst heeft in enen and_en apene_ brieue besegelt mit ons Staeds segele / dien wy stantechtich ghewijst hebben . Jn oerku_de des hebbe wy ons Staeds segel ghehanghen an desen brief Geghieue_ jnt jaer ons h_en . dusent drie h˚ndert Een en_ vijftich . op sunte Lamberts dach