Corpus Van Reenen-Mulder (CRM14): Oorkonde F179p35102

Wj . . Richter en_ Scepene van Sutphen tughen apenbaer mit desen brieue / dat wy / ene_ gansen alinghen apene_ brief ghesien en_ ghehoert hebben / besegelt mit ons Staeds segele / die op sunte . . Peters en_ sunte Pauwels auonde naest ghelieden / was viertien jaer oelt / van wilken brieue / ons cu_dich is / dat . . Pieleg_n__ willems soene en_ fye sijn wijf / en_ haer Erfghen_ / hebben . Tien schillinghe cleynre pe_ninghe jaerliker reinten / vyt huys en_ stede / die Geerde assen neuen ghewesen hadden / gheleghen opper huerne van Cupekens~strate tgheghen dien huse auer / dat ghewesen hadde . . Lamberts berwolds soens / welke . Tien schillinghe jaerlix ane~ghecomen sijn . . Peleg_in en_ fyen vorgen_ by dode . . Coenraeds ys_ens / als van rechter zuster~scheydinghe / tusschen fyen en_ vrederune_ / docht_en . . Coenraeds ys_ens vorscr_ / Voertmeer tughe wy / dat ons cu_dich is van den brieue vorscr_ dat . . Bate van Helberghe_ die oeltste / vertieghen heeft mit haers mu_tbaren hand van dier lijft˚cht / die sij hadde / an dier reinte vorscr_ / Jn oerku_de / des hebbe wy ons Staeds segel ghehanghen an desen brief . Geghieue_ jnt jaer ons h_en dusent drie hundert / Een en_ vijftich op sunte . . Lamberts dach